2017年12月19日 星期二

媽媽仆親整傷美腿!陸永細女肉緊望到實 __,陸永,

真係慘慘豬!咁唔小心呀…藝人陸永同太太Reina非常恩愛,不時喺社交網上放閃,生咗大女陸一穎(Hannah)同細女陸一心(Simsim)之後一家四口幸 ...


真係慘慘豬!咁唔小心呀…


藝人陸永同太太Reina非常恩愛,不時喺社交網上放閃,生咗大女陸一穎(Hannah)同細女陸一心(Simsim)之後一家四口幸福滿瀉!而陸永出名忙到不得了,好多時都係由老婆照顧兩個囡囡,甚至做埋司機去送囡囡返學放學,實行一個搵銀、一個顧家!但唔知係咪照顧兩個囡囡太攰,Reina好唔小心咁跌親整傷咗隻腳。

Reina就喺社交網甫咗張相,相入面就見到Simsim望實媽媽隻腳,仔細一睇發現原來又瘀又損咗咁,佢仲留言:「街市買完餸完美仆低,點仆仆到呢個位腫咗兩粒波子出嚟…」見到Simsim望到實就知道佢好擔心媽媽喇!不過Reina仲有Hashtag咗幾句「精句」,佢就話:「#我明明就唔係想講個低字#ahsim研究咗好耐#擔心以後冇人車佢返學#擔心爸爸要搭的士接佢放學#擔心搭的士唔可以食嘢佢會好肚餓」。佢話原本自己唔係想講「仆低」,有網民就話佢都算係公眾人物都係講「仆低」比較好!而Reina就幫Simsim諗咗好多「心聲」,不過相信都係搞吓氣氛等大家唔好咁擔心佢啫!


來源 source: http://hk.on.cc
鍾意就快D Share啦!
Related Posts Plugin for WordPress, Blogger...