掃呢頁CODE去手機

2017年12月18日 星期一

港台搶閘頒獎禮破格唔使唱克勤擸銷量獎:表演講多謝 __,克勤,李克勤,

■港台頒獎禮分兩日舉行,昨只頒發部份獎項沒表演,掃三獎的大贏家克勤笑言表演講多謝。【「第40屆十大中文金曲」】香港樂壇頒獎禮的戰幔昨日展開,今年由港台 ...




【「第40屆十大中文金曲」】

香港樂壇頒獎禮的戰幔昨日展開,今年由港台搶閘於下午頒部份獎項,容祖兒成為銷量女歌手15連霸,新鮮人夫周柏豪、陳柏宇和林奕匡都抬頭各獲兩獎,在台上多謝老婆放閃;由於頒獎禮分兩日舉行,昨就破格地只頒獎沒表演,掃三獎成大贏家的李克勤抵死說:「今日表演講多謝!」

港台「十大中文金曲」昨搶閘於下午假香港知專設計學院舉行,為慶祝踏入40周年,今年獎項分兩日宣佈,昨率先頒八個獎項(名單見附表),其他大獎留待下月4日假九展頒發。獨領風騷多年的陳奕迅和容祖兒齊缺席頒獎禮,造就後輩有機會上台攞獎,Gin Lee、AGA和JW都處女打入「十優歌手」,樂隊ToNick憑熱爆歌《長相廝守》首奪金曲獎;獲新人金獎的顏卓靈則緊張到手震。



■周柏豪(中)由馬來西亞趕返港領獎,自言不知樂仔跟沈嘉偉的反目傳聞。 ■50歲的克勤跟後輩許廷鏗、Gin Lee、陳柏宇、衛蘭、JW及AGA同台獲獎,自嘲滴汗。 ■C AllStar的《兄兄我我》奪金曲獎,兼獲頒最佳組合銅獎。

柏宇林奕匡冧妻

現年50歲的克勤,無論年紀和獲獎數目都是全場之冠,由於昨日只頒獎沒表演得獎歌曲,連掃金曲、十優歌手兼五奪銷量男歌手獎的克勤,第三度上台攞獎時抵死說:「今日好得意,頒獎同唱歌係分開兩日,平時表演唱歌,今日表演講多謝。」完騷後克勤被問到會否覺得分兩日舉行不圓滿?他說:「冇所謂啦,今日攞十優都有滴汗,因為其他得獎者都好後生。」

新鮮人夫陳柏宇憑《霸氣情歌》獲金曲獎,在台上多謝老婆符曉薇放閃:「好開心,呢首歌代表我同老婆感覺,霸氣有啲自大,我哋愛情冇人取代到。」同樣今年做人夫的林奕匡,憑結婚歌《難得一遇》獲獎,他深情說:「多謝我太太,朋友叫我作首歌畀佢,其實當時太太都有投訴,因為好耐冇畀demo佢聽,但其實係想畀surprise佢,呢首成為我哋結婚時嘅歌。」



■人夫陳柏宇(右)獲金曲獎時,在台上多謝老婆放閃。 ■(左起)顏卓靈獲最有前途新人金獎,緊張到手震,銀獎是王嘉儀,銅獎是伍富橋。

柏豪:朋友欠我錢

柏豪憑《天網》獲獎,受訪時被問到余文樂和沈嘉偉反面傳聞,柏豪說:「我唔知,都係睇報道。」曾傳柏豪和樂仔反目?他說:「唔係,大家都係朋友,往年有一齊食飯,呢五、六年沈生有搞飯局拜年。」問到做朋友是否少錢銀轇轕較好?他笑說:「多數朋友欠我錢,朋友都係互相尊重,分得好清楚。」

採訪:王連連、曹家誠

攝影:林賓尼




鍾意就快D Share啦!