2017年12月24日 星期日

間接「捧」陳豪攞視帝 夏雨認唔忿氣 __,夏雨,陳豪,

無綫劇《溏心風暴3》近日再掀起煲劇熱,電台節目主持人梁泰來就邀得事隔5年重返無綫拍《溏心3》、08年憑《溏心風暴之家好月圓》「Jo爸」一角成為「視帝」 ...




無綫劇《溏心風暴3》近日再掀起煲劇熱,電台節目主持人梁泰來就邀得事隔5年重返無綫拍《溏心3》、08年憑《溏心風暴之家好月圓》「Jo爸」一角成為「視帝」的夏雨任嘉賓。

首輯《溏心》在2007年播出,當年夏雨和陳豪都是大熱視帝人選,最後陳豪就以「細鮑」一角成為「雙料視帝」,有傳夏雨當時忿忿不平。事隔10年,夏雨再被主持人問及此事,他直認不諱,自爆當時失落「視帝」後,曾直接跟監製劉家豪說拒絕再演《溏心》續集,更指無綫頒視帝有多種因素,他說:「其實第一年(競逐視帝)喺網上就好似爆炸一樣,好多人都話係黑幕。其實有好多因素,首先,陳豪係所謂『親生仔』,另外,當時我係啱啱約滿冇續約,換咗我係無綫統帥我都唔會頒畀你,其實仲有好多原因嘅!」再被問第二年獲獎會否順氣些,夏雨說:「第二年贏咗,並唔係純粹因為你演得好,亦有好多因素。呢啲憬累積分嚟,因上一年網民為我抱不平,我諗如果再唔頒畀我,觀眾會將你個台都拆埋,哈!」

直到今天,「正爸」再次成功「入屋」,夏雨仍然強調有份競逐就會想獲獎,一如運動員,努力鍛煉參賽就是為了贏取獎牌,這並非「唔化」。他坦言當年首輯《溏心》,自己花了很多努力,劇集才有效果,甚至陳豪的喜劇表現,也是他傳授,他說:「或者咁又係『唔化』嘅一種表現,第一輯大部分嘅笑位都係嚟自我嘅設計!最後整套劇全組人都囊括所有獎項,惟獨我『斯人獨憔悴』。陳豪本身唔係做喜劇嘅人,大部分都係我教佢點樣做,最後佢攞咗『最受歡迎角色』後又攞埋『視帝』,係咪需要咁呢?」

經常飾演傳統「慈父」的夏雨,事實上,他40歲後才與太太育有兩子一女,之後因為舉家移民加拿大,他為了賺錢做了「長期太空人」跟子女關係疏離。對此,夏雨於節目中承認人生有遺憾:「我覺得呢一件事都係我嘅遺憾嚟嘅,因為佢哋小時候我唔能經常喺佢哋身邊,所以佢哋有好多心事都唔會同我講。佢哋雖然知道我好疼錫佢哋,但佢哋都會收埋心事唔同我講。其實好無奈,我經常演『好爸爸』,其實我係不斷演做爸爸缺乏嘅事,以及劇本寫嘅嗰個爸爸嘅事情,所以有時候我都唔知道我將自己投放喺角色上,還是角色放喺我人生裏面。」


來源 source: http://hk.on.cc
鍾意就快D Share啦!
Related Posts Plugin for WordPress, Blogger...