掃呢頁CODE去手機

2017年12月15日 星期五

隨時會跳掣!鄧月平自封「女神經」 __,女神,鄧月平,

鄧月平宣布踩入樂壇出歌,佢仲話自己係「女神經」!有「巨胸翠如」之稱的鄧月平宣布踩入樂壇出歌,自封「女神經」的她試過為討好暗戀對象而改變自己,但最後都是 ...


鄧月平宣布踩入樂壇出歌,佢仲話自己係「女神經」!


有「巨胸翠如」之稱的鄧月平宣布踩入樂壇出歌,自封「女神經」的她試過為討好暗戀對象而改變自己,但最後都是食白果!喜歡「嗌歌」的她坦言視鄧紫棋(G.E.M.)為學習對象,更搞笑自封「Mini G.E.M.」!

現年20歲的藝人鄧月平(Larine)入行一年突然踩過界進軍樂壇,推出首支單曲《女神經》成為今年女新人,她表示從小已對唱歌充滿興趣,今次出歌是公司送給她的禮物。講到新歌,她透露講述一個「當兵」的女生遇到心上人時會變得如「女神經」般緊張及神經質,坦言當中有少許個人經歷:「當年我暗戀一個男仔,我問佢鍾意咩類型嘅女仔,佢話鍾意文靜,我嗰時係田徑校隊,之後即刻乜都唔玩喺度睇書,轉一排佢話依家鍾意曳啲嘅女仔,於是嗰排我就勁曳,但過一排佢又話鍾意純啲嘅女仔,我就即刻扮到好乖,所以就係歌詞所講『剎那百厭會瞬間變乖』,但我哋最後都冇一齊。」

寧搵錢唔搵仔

不少人封Larine為女神,但她就自封「女神經」,因為愛遊魂、愛幻想,偶然會「跳掣」:「有啲人會覺得好扮嘢,有啲會話好Kai,各花入各眼。」問到可試過嚇怕男仔?她說:「90後有個特點,尤其係90尾,就係唔介意直接話畀人聽我就係我,可能大家會認為我係『跳掣』,但最近我識咗啲細我一、兩年嘅,原來仲跳掣。(搵男友想搵同樣會跳掣嘅人?)我冇乜特別要求,大家心靈上溝通到,坦誠就OK。」講到感情現況,她坦言是零:「一忙起上嚟,成個心機同時間都花喺工作,冇以前得閒嗰陣咁想拍拖,想賺錢養屋企人先。」

唔夠女人味

講到第一首歌曲風輕快,問有學鋼管舞的她可會試行女人味路線?Larine說:「我覺得未到30歲都未有女人味,如果有一日我覺得自己做好準備,我會嘗試。(性感得唔得?)如果到30歲時我身材未走樣,絕對唔介意,但如果走咗樣,我相信大家都冇乜興趣睇。」講到自封「Mini G.E.M.」,與對方同樣身形嬌小及擁驕人上圍的她笑言:「我好鍾意唱啲嗌嘅歌,細細個聽G.E.M.啲歌大,佩服佢係才女,啲歌好有意思。」她坦言視對方及樂壇每位前輩為學習對象,問有機會可想與G.E.M.合作?她說:「嘩!我未高攀到佢,儲多幾年經驗先。」

場地:White Button Cafe


來源 source: http://hk.on.cc
鍾意就快D Share啦!