2017年12月22日 星期五

換片唔洗手!陳曼娜為外孫女怒炒陪月 __,陳曼娜,

陪月因唔衛生搞到B女皮膚敏感,陳曼娜為此嬲到爆!藝人陳曼娜女兒鄭祖兒今年8月誕下B女「棉花糖」Kaelyn,唔經唔覺已經有百日大喇!升呢做外婆嘅陳曼娜 ...


陪月因唔衛生搞到B女皮膚敏感,陳曼娜為此嬲到爆!


藝人陳曼娜女兒鄭祖兒今年8月誕下B女「棉花糖」Kaelyn,唔經唔覺已經有百日大喇!升呢做外婆嘅陳曼娜尋晚假中環為外孫女舉行百日宴,由於男女家親友眾多,佢特意擺一圍只款待好友,包括藝人羅霖、林建明、安德尊、樂蓓、胡楓、名人鄭明明等,相當熱鬧。見到小主角Kaelyn着上豹紋裝束,眼仔睩睩碌,又不時伸脷賣萌,難怪眾位賓客爭住抱,愛不釋手呀!

升呢小豹妹

難掩做外婆喜悅嘅陳曼娜大讚外孫女非常可愛,仲話由「棉花糖」升呢為「小豹妹」:「啱啱出世時軟綿綿,依家幾精靈活潑!」問到送咗咩畀外孫女?佢笑言送咗「愛心」:「我一向都話唔會湊孫,只會玩孫。但係之前請嘅陪月兼保母原來冇愛心同唔衛生,我女婿喺閉錄電視睇番片好心痛!一時間搵唔到人照顧,嗰時我就拍心口、承擔湊外孫嘅責任。」陳曼娜指該名陪月兼保母透過朋友私人途徑介紹,對方為B女換片或餵奶前後沒有洗手,B女沖涼時瀨尿,也沒有換過盆乾淨水,最後導致B女皮膚敏感,睇見都心痛!陳曼娜說:「所以呢兩個月我冇跳舞,不過我就嚟卸任,過完年會有位二十年湊小朋友經驗嘅菲傭嚟,到時我可以繼續享樂!」

B女識擺甫士

見到百日宴嘅短片中,羅霖十指緊扣祝賀B女:「祝佢幸福快樂、身體健康、快高長大,恭喜恭喜!」而林建明以奇葩大讚B女:「呢度咁嘈咁多人,佢完全唔喊,仲會笑、擺甫士,你真係幸福!女、孫都咁乖,最曳係你囉婆婆!」

----------------------------

東網巨星開咗ig喇,大家快啲follow

https://goo.gl/KGuo2N


來源 source: http://hk.on.cc
鍾意就快D Share啦!
Related Posts Plugin for WordPress, Blogger...