2017年12月27日 星期三

霆鋒發冧滋宣言氹王菲:我哋日日都係節日 __,霆鋒,王菲,謝霆鋒,

霆鋒咁講,王菲聽到一定Sweet爆!藝人謝霆鋒以一身Cap帽黑超運動裝打扮,現身赤鱲角機場,兩點左右出閘的他心情大靚,見到記者便笑住講聖誕快樂。之後, ...


霆鋒咁講,王菲聽到一定Sweet爆!


藝人謝霆鋒以一身Cap帽黑超運動裝打扮,現身赤鱲角機場,兩點左右出閘的他心情大靚,見到記者便笑住講聖誕快樂。之後,他便邊行向停車場邊受訪:「啱啱去完吳君如新戲北京首映,佢哋冇出嚟咩?(冇去Party?)我唔去Party嘅,我都唔知咩係Party,我日日都係節日。(除夕點過?)除夕?咩嚟?年年都係咁過」當記者問他屆時是否要工作時,他便點頭默認。提到文詠珊去芬蘭遺失行李,問他有否到芬蘭時,他謂:「冇去芬蘭,去咗挪威。(冇唔見行李?)冇試過唔見。」

唔知謝賢同女友分手

最近有指其父謝賢與女友分手,問霆鋒是否知道有關消息,他擰住頭答:「唔知。(聖誕有聯絡?)冇聯絡。(返嚟會見?)梗係會,一定見。(會安慰佢?)唔使啦,佢咁大個人!」至於有否陪女友王菲?他謂:「我哋日日都係節日。(有冇見小朋友?有送禮物?)唔話你知!」又指自己的新年願望20多年來始終如一,都是希望自己不斷進步。

再為「素食女王」被Foul解畫

提到《鋒味》第四季中「素食女王」Daphne拒絕煮肉而被Foul,霆鋒就指不用再次回應:「喺節目度都講晒,我其實就絕對支持任何習慣嘅,但呢個係比賽嚟,同埋呢個比賽喺世界各地搞,規矩就唔係我定。(會聯絡番Daphne?)個比賽仲進行緊。」又指剛剛節目在挪威完成第十一場比賽,最後一場比賽將於下月七日在北京新搭建的實驗室舉行,屆時最後三強會爭奪180萬獎金。

----------------------------

東網巨星開咗ig喇,大家快啲follow

https://goo.gl/KGuo2N


來源 source: http://hk.on.cc
鍾意就快D Share啦!
Related Posts Plugin for WordPress, Blogger...