掃呢頁CODE去手機

2017年12月13日 星期三

【王菲知唔知】「忘年交」周迅睇住剃髮 竇靖童要出家? __,竇靖童,周迅,王菲,

噚日大陸就有一段王菲愛女竇靖童嘅剃頭短片網上曝光,短片一出,就引嚟好多網民嘅揣測,擔心童童係咪要出家。短片中,見到童童好安靜咁坐喺張櫈上,負責幫佢剃髮 ...




噚日大陸就有一段王菲愛女竇靖童嘅剃頭短片網上曝光,短片一出,就引嚟好多網民嘅揣測,擔心童童係咪要出家。

短片中,見到童童好安靜咁坐喺張櫈上,負責幫佢剃髮嘅就係宗薩蔣揚欽哲仁波切,到尾時童童已經接近光頭,剩下最後一道前髮也被剃掉時,負責剃髮嘅宗薩蔣揚欽哲仁波切還笑說:「She is becoming nun(修行人)」,結束後還和周迅等人一起拍下合照,引發網民揣測童童係咪有出家嘅念頭。

有大陸網民就覺得,童童只不過係想換個髮型,仲叫大家唔好諗咁多,仲有fans擔心佢今個星期六參加北京衛視嘅跨年音樂節時,喺零下20幾度的天氣下表演,個頭會唔會好凍,仲笑言可能要幫佢眾籌一頂加厚升級版雷鋒帽添。

網民就議論紛紛,大陸傳媒就向童童嘅工作人員了解,佢哋就回應話:「純粹是剃光讓頭髮重新長,真不是出家,誤會了!」此外,台灣傳媒亦搵了邱瓈寛(寛姐),寛姐話童童18號就會去台灣宣傳新歌,屆時仲會上兩個節目,冇可能出家。之後寛姐亦親身向童童求證,童童話唔係要出家,只係要去台灣宣傳,慎重起見,先做一個新髮型。



更多娛聞,喺晒《娛果》

http://fb.com/appledailyent

(互聯網圖片) 負責幫童童剃發嘅就係宗薩蔣揚欽哲仁波切。(互聯網圖片) 剃完頭仲一齊影張相。(互聯網圖片)
網民更發現周迅(左二)都喺現場。(互聯網圖片)

鍾意就快D Share啦!