掃呢頁CODE去手機

2017年12月22日 星期五

【朋友介紹】陳曼娜怒炒陪月:成盆尿水照幫BB沖涼 __,陳曼娜,

陳曼娜(Manna)個女鄭祖兒(Joie)去年跟上市公司董事Dicky結婚之後,Joie今年8月26日誕下千金Kaelyn,初時花名叫「棉花糖」。Ma ...




陳曼娜(Manna)個女鄭祖兒(Joie)去年跟上市公司董事Dicky結婚之後,Joie今年8月26日誕下千金Kaelyn ,初時花名叫「棉花糖」。Manna噚晚為孫女擺百日宴,請咗胡楓(修哥)、羅霖、安德尊、林建明等一班老友出席,之後修哥仲幫「棉花糖」改咗名,o依家乳名叫「小豹妹」。

Manna今日接受《蘋果》訪問時,話自己最近轉咗做保母湊BB,事關佢朋友本來介紹咗個中年陪月俾佢個女,點知個陪月唔稱職,湊B時好唔衛生,甚至用尿水幫BB沖涼,所以最後佢哋炒咗個陪月,由Manna自己落手落腳湊孫女。

「佢嚟做嘢時我哋感覺佢(陪月)唔稱職,我哋大家都擔心,因為好忙,成日唔喺屋企,惟有裝閉路電視,結果發現咗佢好唔乾淨、唔衛生,我個女婿好心痛,晚晚都瞓唔着,本來我唔湊孫,只係玩孫,結果我承擔呢個重任,我話:『我嚟』

Manna話:「佢換片時幫BB搽嘢唔洗手,幫BB沖涼時,BB瀨尿瀨咗落個盆度,佢唔換過盆乾淨嘅水照幫BB沖涼,真係好離譜,搞到BB全身皮膚敏感,我真係好心痛。」Manna話佢湊番個孫已經兩個幾月,依家請咗菲律賓工人專責湊孫,咁Manna可以休息一下。

此外,Manna忠告大家:「我奉勸啲爸爸媽媽,如果唔係太忙、可以照顧到BB嘅話,最好自己照顧,如果唔係唔幸運請到個唔好嘅保母,令到小朋友健康成長影響好大,我今次好大個教訓。」

其實BB仲細,尿尿喺浴盆都係好正常。家長要留意番,BB衛生健康係好重要,但如果成盆水倒晒再嚟過,時間都要捉得好準,特別係喺呢啲咁凍嘅天氣下,如果唔係BB好易凍親0架。

更多娛聞,喺晒《娛果》

http://fb.com/appledailyent



陳曼娜孫女小豹妹,o依家肥肥白白,係因為婆婆悉心照顧咋。

唔怕人又唔怕鏡頭,好得意。

早前小豹妹百日宴,一班長輩們爭住抱BB,修哥仲幫手改咗個乳名。





鍾意就快D Share啦!