2017年12月17日 星期日

同千語BB分咗手?林峯:我真係冇嘢講 __,林峯,吳千語,千語BB,千語,

講到咁嘅...藝人林峯以六福珠寶「愛恆久」系列代言人身份出席沙田馬場舉辦的「六福珠寶賽馬日」,甚少在港露面的林峯透露明天又要飛返內地,因為年底有很多聖 ...


講到咁嘅...


藝人林峯以六福珠寶「愛恆久」系列代言人身份出席沙田馬場舉辦的「六福珠寶賽馬日」,甚少在港露面的林峯透露明天又要飛返內地,因為年底有很多聖誕節活動及頒獎典禮。問到聖誕是否陪不到女友吳千語?他冷淡說:「佢有佢忙,我有我忙。(你之前生日點過?)同屋企人過,佢太忙冇一齊。」

唔願講感情

林峯稱明年一月會拍一部內地劇,但題材關於香港紀律部隊,所以會在香港拍攝至3月,問他屆時是否有多些時間跟女友見面?他說:「佢都唔喺度,各有各忙。(女友送咩生日禮物畀你?)冇收到。(大家感情轉淡?)工作期,努力工作先。(你哋有問題?)大家間唔中都有聯絡,實在太忙。(你哋分咗手?)我真係冇嘢講。(仲係一齊?)佢依家喺橫店拍緊部民初嘅戰爭片,到二月底。(仲係男女朋友關係?)係。(會唔會補祝生日?)唔使,我對生日同大時大節冇乜所謂,工作最重要。其實我咁多年都唔想答感情事,多謝大家關心。」

同男人Kiss毛管戙

講到林峯主演的內地劇集《獨步天下》點擊逾20億,日前林峯與另一男主角張睿上演男男咀嘴騷以答謝,提到此事,林峯即時抹嘴,問他是否很回味?他坦言:「唔係,係好特別嘅感覺,我係第一次重睇番kiss嘅場面會完全全身毛管戙起晒,要嗌出嚟,我睇playback嘅時候,全身打冷震,證明我係好直。(第一次同男仔kiss?)唔係,有時同啲十幾年嘅兄弟,大時大節或者生日都會,但只係蜻蜓點水式,唔會咁深情,係個挑戰,下次都可以試吓呢啲角色。(再高點擊率會點做?)呢個已經好激,要再諗。(同女友kiss?)唔講呢啲。」

另外,林峯指早前拍了另一套劇飾演孫悟空,並由美國公司做電腦特效製作,非常期待,問到不少藝人都飾演過孫悟空這個角色,會否怕比較?他說:「其實第一次搵我做,我係推咗,後來第二次同我講原來個故事係網絡小說,同原著完全唔同,所以我先想挑戰。(唔會回歸香港電視圈?)冇分香港同大陸,唔係地域上問題,係角色、成個製作嘅考慮。」

----------------------------

東網巨星開咗ig喇,大家快啲follow

https://goo.gl/KGuo2N


來源 source: http://hk.on.cc
鍾意就快D Share啦!
Related Posts Plugin for WordPress, Blogger...