2017年12月7日 星期四

揭護膚兩大秘密 60歲 Do姐見光死 [壹週刊 - 1448] __,M1,

貪靚Do姐最怕猛烈陽光,出街一定要戴口罩。探熱針揭護膚兩大秘密60歲Do姐見光死《Do姐再shopping》今次Do姐繼續率領農夫、翠如BB加埋馬明、 ...






貪靚 Do姐最怕猛烈陽光,出街一定要戴口罩。

探熱針

揭護膚兩大秘密 60歲 Do姐見光死

《 Do姐再 shopping》今次 Do姐繼續率領農夫、翠如 BB加埋馬明、蕭正楠,遊走日本、意大利、丹麥歎世界,只要 Do姐一拍住農夫,分分鐘都有笑點,難怪贏盡口碑同收視。

一向形象霸氣的 Do姐,唔只做節目時尖酸刻薄,現實生活中,出名貪靚的 Do姐對護膚一樣要求高。上星期她單拖現身銅鑼灣,短短十五分鐘, Do姐換咗兩個口罩,揸車時仲要戴上白手套,慎防肌膚接觸紫外線同細菌,夠晒姿整,一眾有「公主病」的港女睇嚟都要行埋一邊喇!







揸車時, Do姐再換另一個口罩,包埋條頸。





一向有潔癖的 Do姐,開車一定要戴白手套。

俾農夫任窒唔嬲

三個月前, Do姐俾大台擺上枱,在港姐決賽中一人投兩票扭轉整晚賽果。事後 Do姐捱轟,被網友指「造馬」兼「話晒事」,不過上星期一連十五集的《 Do姐再 shopping》一出街, Do姐馬上由負評變番正評。

獲 Do姐欽點,陸永同 C君今次變做鐵膽,由頭帶到尾,仲反客為主,句句都寸爆 Do姐,勁有節目效果。不過一向專業的 Do姐對住班後生仔女,一啲都唔遜色,年屆六十徒手玩攀石,身手仲敏捷過翠如 BB。之後同農夫鬥瑜伽,跳慣鈣質舞的 Do姐輕易表演拱橋,網友拍爛手掌。

至於一向轉數快的農夫,開口埋口都窒住 Do姐,扮佢跳鈣質舞,寸爆 Do姐年紀大,又笑佢「孤寒」,不過 Do姐都唔弱,下下霸氣反擊。





四人在北海道狂食哈密瓜。





Do姐做慣運動,輕易做出拱橋動作。





Do姐徒手攀石,陸永同 C君都戥佢驚。

縮減成本





Do姐玩高卡車,鍊贏翠如 BB。

上一輯《 Do姐去 shopping》, Do姐帶住班嘉賓豪去歐洲豪買豪食,歎靚酒、食魚子醬、貴價海鮮。最終搞到嚴重超支。據知今輯開拍前,上頭下旨控制成本,轉玩大眾化,樣樣都慳。

「上一輯 over budget好嚴重,今次上頭講 cut budget,好明顯佢哋今次去嘅地方都冇上集咁豪咁高檔,玩高卡車、食水果 buffet、行二手市場,呢啲全部有限錢。」一名工作人員透露。

包到冚出街





C君扮 Do姐跳鈣質舞, Do姐一啲都唔嬲,仲跳埋一份。

節目入面, Do姐女王形象深入民心,現實生活的 Do姐一樣有要求。上週五(一日), Do姐唔使開工,單拖行銅鑼灣。一向貪靚的 Do姐除咗日日做運動, keep住副 body之外,她為了保護肌膚,慎防肌膚同陽光玩遊戲,出街一定要戴囗罩,呢日見佢笠住黑色囗罩,遮住半塊面,剩係見到對眼。

戴手套揸車

短短一段路, Do姐行得好急,怕俾人認出。見她一支箭衝去停車場,上車後 Do姐突然轉 look,換上花花口罩再包埋條頸,而且更怕紫外光曬到她對纖纖玉手,所以揸車時她一定會戴番對白色手套先開車走人,果然夠晒姿整。

「 Do姐對皮膚落咗好多功夫㗎,以前佢做過果酸煥膚,所以佢啲皮膚好嬌嫩,佢會好好保護!同埋皮膚、手同頸嘅紋就最容易出賣年齡,所以 Do姐好小心保養,出街手套、口罩呢兩樣嘢一定唔少得。」





早前 Do姐在港姐決賽中,被大台擺上枱,一人投兩票控制賽果,被網民怒轟「造馬」。





有 Do姐提攜,陸永同 C君彈起,工作接踵而來,收入大增。





以前做過煥膚手術嘅 Do姐,唔介意真面目見人。





台慶夜陸永扮 Do姐入型入格,網民一致好評。





上一輯《 Do姐去 Shopping》, Do姐帶住嘉賓豪飲豪食,埋單嚴重超支。

名人怪癖

不少公眾人物,表面樣樣都好公開,但背後亦有不為人知的一面,不乏各種各樣的小怪癖,嚇人一跳。





劉鑾雄:出名愛乾淨的大劉,未病前已經好注重衞生,無論去到邊,身邊保鏢助手全部都兩手持紙巾,隔住開車門,扶大劉上上落落,甘比亦曾試過先鋪紙巾在車座位上,才將手袋放上去。





鄭秀文:有潔癖的天后鄭秀文每次出 trip都會自備一疊白色床單,鋪滿酒店房間每一個角落,包括梳化、枱櫈、地下等,確保接觸的地方乾淨。





周星馳:周星馳曾被爆為人細膽,睡覺有怪癖,住酒店亦要開燈開門,甚至要拉埋男助手同住一套房壯膽。

撰文:娛樂組 

攝影:陳亦龍


鍾意就快D Share啦!
Related Posts Plugin for WordPress, Blogger...