掃呢頁CODE去手機

2017年12月13日 星期三

婚前搵錢 余文樂拍王晶袋5000萬 __,王晶,余文樂,

余文樂5號宣佈封盤,結婚之餘亦有傳老婆王棠云有餡,雙喜臨門。而婚前接拍嘅內地劇《冒險王衛斯理》更幫佢賺返晒娶老婆嘅支出,一鋪過袋走五千萬!入行17年, ...




余文樂5號宣佈封盤,結婚之餘亦有傳老婆王棠云有餡,雙喜臨門。而婚前接拍嘅內地劇《冒險王衛斯理》更幫佢賺返晒娶老婆嘅支出,一鋪過袋走五千萬!

入行17年,余文樂今年榮升人夫,老友彭于晏仲漏口風話佢係時候做老豆,換言之做埋準人父。結婚使一筆,婚後留喺澳州度假又唔見一筆,遲下小朋友出世更加係一大筆,好彩余文樂今年財源滾滾,為王晶監製嘅大型網劇孭飛拍足36集,穩收5000萬。

據知情者透露,本來佢唔想拍架,因為拍《狂獸》打得太辛苦,而《冒險王衛斯理》名義上係科幻片,實際又係打到飛起,諗起都怕怕。不過劇組講明會安排替身,而且拍半年左右就有大筆進帳,加上「衛斯理」呢個名本身有fans,收視有保障,所以余文樂最後都接拍。

相關新聞:

收起cool樣拍劇笑笑口 余文樂片場喪讚王棠云

http://bit.ly/2iUjvdd
網絡劇市場大,王晶會高價請演員。
考慮到拍半年36集收5000萬,又有替身唔使自己用,樂仔答應接拍。
婚後繼續留在澳洲度假

鍾意就快D Share啦!