2017年12月10日 星期日

古巨基打機4日唔沖涼殺入全球No.8 __,古巨基,

古巨基認為打機有助鍛煉反應,是很好的消閒娛樂。
古巨基打機4日唔沖涼殺入全球No.8熱愛打機的古巨基昨日出席英皇的電競活動,透露試過打機打到世界排名第八位,不愧是世界級打「基」王!他又自爆為了爭打機 ...


古巨基打機4日唔沖涼殺入全球No.8

熱愛打機的古巨基昨日出席英皇的電競活動,透露試過打機打到世界排名第八位,不愧是世界級打「基」王!他又自爆為了爭打機排名,最瘋狂連續三、四日不沖涼不洗頭,每日過着打完機就瞓,起身又再打機的宅男生活!

歌手古巨基昨日出席《英皇電競菁英盃 WE ARE THE FUTURE》記者會,同場有洪卓立、英皇電競戰隊總監兼香港首位「英雄聯盟」世界冠軍Toyz(劉偉健)、電競職業隊伍G-Rex等。基仔出名熱愛打機,自稱是元祖級遊戲機迷,由卡片機開始,每代遊戲機都有打。他又自爆入行後玩一隻網上連線的足球遊戲,取得世界排名第八位的佳績,認真厲害!身為「機癡」的他坦言試過不沖涼不洗頭,打完機就睡覺,睡醒又再打機的生活:「都有三至四日,嗰陣衝緊排名,咁啱有幾日唔使做嘢。」

「打機好過去蒲」

問到可有被古太Lorraine鬧爆?基仔表示:「我依家雖然冇以前打得咁癲,但都有打手機遊戲,佢就會叫我快啲瞓覺。(有冇沒收你部機?)冇,邊沒收得到。(佢叫得停你?)都要拖拖拉拉好耐。」他笑言:「我同朋友有一句可以答老婆,就係『我打機都好過出去蒲,起碼喺屋企你睇住』。其實我哋都唔係有咩不良嗜好,只係有份童心。(古太聽完有咩反應?)佢冇我咁好氣。」他亦稱想不到打機可以發展成電競運動,很想向這方面發展:「覺得好熱血,但依家先加入佢哋玩嘅Game就蝕底,大家已經行到好遠,所以我喺旁邊支持好啲。」

古巨基工作忙碌,承認聖誕出埠工作時會乘機造人。
  • 古巨基工作忙碌,承認聖誕出埠工作時會乘機造人。
古巨基、洪卓立、Toyz及電競職業隊伍G-Rex出席記者會。
  • 古巨基、洪卓立、Toyz及電競職業隊伍G-Rex出席記者會。

聖誕離港 乘機造人

講到工作,基仔表示正籌備新大碟,會到外地做巡迴演唱會,剛剛亦拍完一套微電影,現時準備另一套自編自導的電影,但未決定可會參演:「要度埋劇本先知,因為要睇吓搞唔搞得掂。(幾時成事?)未有咁快,依家仲度緊劇本。(你揀埋女主角?)係o架,不過呢套係勵志片,男仔為主。」他透露聖誕節會到外地工作,問到可會乘機造人?他點頭表示:「加油!」又稱在後台見到一個BB女很可愛,被問是否恨生女?他說:「仔女冇所謂,係自己嘅已經好開心。」

文:音樂組

攝:唐豁莊






鍾意就快D Share啦!
Related Posts Plugin for WordPress, Blogger...