2017年12月10日 星期日

等足34年!吳浩康開騷勁感觸:我要做歌星 __,浩康,吳浩康,

開到騷,真開心!歌手吳浩康(Deep)到九展舉行演唱會,梁烈唯、劉浩龍、洪卓立、黃依汶及老公陳國坤等到場欣賞,全場爆滿,日前Deep幫朋友訂票後被走數 ...


開到騷,真開心!


歌手吳浩康(Deep)到九展舉行演唱會,梁烈唯、劉浩龍、洪卓立、黃依汶及老公陳國坤等到場欣賞,全場爆滿,日前Deep幫朋友訂票後被走數一事已經解決。演唱會於8時35分開始,穿灰色西裝、打煲呔的Deep在高台彈結他和打鼓,又帶領觀眾及樂隊打拍子,以《火》揭開序幕。不常跳舞的Deep與麥秋成等舞蹈員跳唱《感覺蘇豪》,惹得全場尖叫!一眾弦樂手出場,Deep唱出《討厭》及《孩子王》等成名作,又在台上說:「我今年34歲,等咗今日34年!你哋淨係得咁多掌聲咋!我由細到大得一樣嘢想做,唔係做歌手,係做歌星!歌手邊度唱都得,歌星一定要喺台上,所以我花幾多心力都一定要企番喺呢個台!」

他感激網民每個like及share令他有機會開騷,提到有人說他十年前如果生性,當時就已經有機會開騷,他說:「我唔知幾時係最好嘅時機,但依家嘅就係最好,冇嘢值得抱怨,多謝你哋!Mani(霍汶希)叫我唔使擔心,今日嚟嘅人都係支持我,我話你哋都係陪住我走,冇諗過有人搵我開騷,係你哋話我知我可以唱歌!」唱《擇日失戀》後,有粉絲送上花及禮物,Deep坦言唱錯歌詞:「本來我開一場,但因為你哋多咗一場,綵排時間好緊迫,但真係好想唱畀你哋聽。好多人叫我留聲,但唔知係優點定缺點,我唔識留聲,畀哂你哋!」

然後他介紹嘉賓出場,就是他帶領的樂隊Closer:「有句說話好耐冇講,依家講好感觸、好有感覺:Hello,大家好,我哋係Closer。成日有人話我哋啲歌好聽,好藝術,但要由Closer變Closing,結束咗先有人聽我哋啲歌,大家當新歌聽」他們隨即唱出《CLOZER》及《明白》等歌曲,Deep笑指Closer變了宴會樂隊,有喜慶才會合作,感謝隊友在這重要日子支持自己,而隊友就叫Deep加油,台下觀眾亦大叫加油打氣。

----------------------------

東網巨星開咗ig喇,大家快啲follow

https://goo.gl/KGuo2N


來源 source: http://hk.on.cc
鍾意就快D Share啦!
Related Posts Plugin for WordPress, Blogger...