掃呢頁CODE去手機

2017年12月7日 星期四

獅子開大口,離婚分身家,汪子琦索 2.4億,富婆 Laura:一蚊都唔會俾佢 [壹週刊 - 1448] __,汪子琦,M1,

獨家訪問娛頭獅子開大口,離婚分身家,汪子琦索2.4億,富婆Laura:一蚊都唔會俾佢13年因為馬賽橫手介入,令在美國註冊的汪子琦與富婆Laura同性婚 ...






獨家訪問

娛頭

獅子開大口,離婚分身家,汪子琦索 2.4億,富婆 Laura:一蚊都唔會俾佢

13年因為馬賽橫手介入,令在美國註冊的汪子琦與富婆 Laura同性婚姻破裂。汪子琦多年來苦求復合, Laura亦仁至義盡,一直在經濟上支持對方。

但裂縫難補, Laura今年年中終於決定扑槌離婚,卻發現有人原來邊求復合邊食女,食住等被踢爆後,更獅子開大口,要求 Laura付三千萬美元(約二億四千萬港元)贍養費,否則不肯簽字, Laura坦言覺得心寒,心死怒斥:「我一蚊都唔會俾佢!」







15年汪子琦復合期間,以觀望態度的 Laura繼續科水,支持她開戲圓夢。





搵江若琳做女一,馬德鐘及向海嵐助陣拍攝《愛在星空下》。





二人 06年一起, 11年在美國紐約註冊結婚,當時與汪子琦關係甜蜜的 Laura,冷不防要求婚前協議書作保障。

11年美國註冊結婚









雖關係割席,但現留美國醫病的汪子琦,住的房屋仍是 Laura免費提供給她的物業。





美國有家人及物業投資,故 Laura不時返美處理業務。

邊求復合邊食女

汪子琦近四年來不停求復合,但 Laura一直難拔心中刺,關係冇彎轉,但仍寬宏大量做汪子琦水喉,揼水投資她處女執導、江若琳做女一的內地電影《愛在星空下》。

今年四月,決定不再拖拉的 Laura着手辦理離婚手續,但此時汪子琦卻證實患腸病,並打算到美國求醫。念在夫妻一場, Laura把其中一個美國物業,給留美求醫的汪子琦免費居住。

本來再見亦是朋友,豈料年中搞離婚時卻反目收場。本刊向 Laura了解,她稱離婚時因發現汪子琦原來一直邊食女邊求復合,甚至在美國醫病都「有女」相伴,自覺再一次被瞞騙,對方不值得一分一毫贍養費。





前年求復合的汪子琦,陪 Laura來港 shopping。





13年汪子琦與馬賽偷情,孽緣換來兩敗俱傷。





13年汪子琦做製片的內地電影《愛未央》,找來惠英紅做女主角,背後開水喉投資的也是 Laura。

Laura逐點反擊:我俾間屋佢住,仲話絕情!



商業手段

我做嘅嘢全部合情合理合法,我唔知佢講咩!

提防

佢有咩嘢值得人提防,係咪應該我講提防,佢調轉咗嚟講,係我冇提防佢,先搞到今日咁麻煩。我唔明佢係咩邏輯, totally off mind(意指:完全唔經大腦)。

冷酷絕情

我覺得好搞笑,當日我諗唔開時(揭發汪與馬賽偷情, Laura傷心自殺),佢喺出面風流快活,到佢今日病,我繼續俾間屋佢住,究竟邊個絕情。

爭取應得

唔明佢有咩應得,啲錢全部係我,我屋企同我投資返嚟,佢有邊一忽係應得。

汪子琦否認指控:我爭取應得的





壹:壹週刊  L: Laura

壹:什麼令你決心離婚?

L:既然冇可能復合,好多嘢返唔到轉頭,離婚只係時間問題。其實今年四月,佢去美國醫病,曾經一齊咁耐,當時都諗住大家和平分手,好嚟好散,都應承咗俾佢一百萬美金(贍養費),但兩個月後我知道咗啲嘢,我就決定一蚊都唔會俾佢。如果你問我發現咗乜嘢,我諗你哋都估到。

壹:你指發現一些事,是汪子琦復合時候發生的?

L:係呀,全世界都以為我哋復合嗰陣。

壹:你意思是有人一邊求復合,一邊背住你有女朋友?

L:嗱,事實上係暗交,但明明可以明交,做乜暗交呢?冇人鍾意俾人呃,我有理由懷疑佢係有啲 plan。





簽給汪子琦的向海嵐,及合作過的江若琳,跟 Laura感情同樣要好,經常約會食飯。





過去雖夫妻情難再,但 Laura跟汪子琦仍是朋友,及工作夥伴。





人稱富婆的 Laura,在美國 Long Island有超級豪宅,家裡的首飾箱,衣櫃咁大。

Laura出身香港富豪家族





家底厚的 Laura,不時被邀請出席名牌 P,她與名牌主帥 Dolce& Gabbana合照。

富婆 Laura Lee的家族是香港低調富豪,擁有私人飛機、遊艇、 Long Island超豪大宅及其他地產項目,在美國出生及成長的她,十幾年前移居上海後,揼水投資汪子琦的娛樂工作室。

近年她將投資陣地,由上海轉回美國老家,之前放售四個上海豪宅,勁賺八千多萬,並在紐約皇后區狂掃獨立屋,單在當地便有過億磚頭收租,稍後更會進軍英國房地產市場。

而汪子琦是上海富婆毛玉萍表妹,在內地演藝圈任經理人出身,因曾牽涉疑林文龍偷食錄音帶事件而被人認識,在中、港兩地娛樂圈人脈甚廣,與劉嘉玲、惠英紅等有交情。







今年 Laura在美國掃了過億磚頭放租。





上海富婆毛玉萍是汪子琦的表姐。

憑咩分我身家

身家豐厚的 Laura,一一年跟汪子琦在美國結婚時,因處於甜蜜期,冷不防簽定婚前協議書。

壹:你因再發現這些事,就決定連一百萬美金贍養費都不會給汪子琦?她有何反應?

L:佢嘅反應咪話唔肯簽字,後來就一陣話要一千萬美金(約港幣八千萬),一陣又話要三千萬美金(約港幣二億四千萬)。聽到佢咁,我開始覺得心寒,諗深一層覺得佢黐線,佢憑咩分我身家!

壹:你覺得她要分你身家?

L:我唔知係咪有人教佢,還是佢覺得有資格,但我覺得佢冇資格。咩叫分身家,佢依家叫攞身家,分係一齊搵番嚟就叫分,但呢啲錢全部係我,佢憑咩分。當時我收到佢呢個電話時都好愕然。

壹:當你表明唔會俾,她有何回應?

L:佢再打俾我,話等收律師信。我依家咪等緊, I’ m ready。我係一蚊都唔會俾佢,我寧願攞晒啲錢同佢打官司,長命官司長命打,都唔會益佢。

壹:你收到汪子琦律師信未?

L:未,不過我隨時預備打官司。

過去一直重本投資在汪子琦製作公司的 Laura,終心死決定撤資,停止向她揼水,向外撇清關係。





「我相信一開始時,佢(汪子琦)係真心,但嗰單嘢(馬賽)之後,我知道自己冇可能返到轉頭,我冇可能再咁真心付出,可能佢都知,所以有後着唔出奇。」 Laura說。





與 Laura拍拖初期,汪子琦外表仍作女性化,八年前才開始 TB打扮。





復出的向海嵐,簽給汪子琦做經理人。





身在美國的他,一邊醫病一邊努力工作。

對佢仁至義盡

壹:汪子琦之前開拍的電影,是你打本的?

L:我係有份投資,不過做生意有賺有蝕都 OK嘅!

壹:過往她有給家用你嗎?

L:家用?你指廿萬一個月嗰啲,嗰啲佢用嚟食「火雞」,冇可能應付我生活。

壹:現在她在美國住的大屋,是你的物業嗎?

L:係,佢喺美國我俾間屋佢住,到而家都係,我覺得對佢已經仁至義盡。

婚前協議保身家

有人戲謔美國人有兩怕:一怕死,二怕離婚。儘管美國各州的婚姻法有所不同,但有一共通點,就是離婚往往出現分身家的局面,難怪不少紅星都要求另一半簽婚前協議作保障。

瑪麗嘉兒力保 40億

樂壇天后瑪麗嘉兒( Mariah Carey),跟前夫 Nick Cannon早已簽訂婚前協議, 14年離異時,她能力保四十億港元資產。

湯告魯斯力保 20億

12年,身家二十億港元的湯告魯斯,與姬蒂荷姆絲結束五年多婚姻,有指根據婚前協議,女方只獲每年三百多萬港元生活費,作照顧當時 6歲的女兒蘇莉( Suri)之用,直到她十八歲為止,至於女兒其他開支則另計。

Kenny G力保 4億

Kenny G與前妻 Lyndie曾簽婚前協議, 12年離婚時,女方未能瓜分他約 4億港元身家。

撰文、攝影:娛樂組


鍾意就快D Share啦!