掃呢頁CODE去手機

2017年12月28日 星期四

捱過七年披荊斬棘吳岱融:多謝老婆溫柔同體諒 [壹週刊 - 1451] __,吳岱融,M1,

22年婚姻:轉眼間22年,與老婆走到見白頭的吳岱融,去年結婚周年,再影一輯婚照,47歲的鍾淑慧更keep住一副好身材。娛頭捱過七年披荊斬棘吳岱融:多謝 ...






22年婚姻:轉眼間 22年,與老婆走到見白頭的吳岱融,去年結婚周年,再影一輯婚照, 47歲的鍾淑慧更 keep住一副好身材。

娛頭

捱過七年披荊斬棘吳岱融:多謝老婆溫柔同體諒

58歲的「鷲哥」吳岱融,跟老婆鍾淑慧結婚廿二年,至今依然係甜心夫妻。不過哪有一對恩愛伴侶無風無浪!婚姻第一個七年,是他們最難捱的關口,披荊斬棘,到 01年吳岱融夜店闖禍,鍾淑慧一招溫柔拆解,將吳岱融完全降服,夫妻從此進入收成期。互相退一步,令關係走得更近,是他們致勝之道。







二人 95年結婚,吳岱融用「不顧一切」形容兩人走在一起。「當日大家經濟都唔穩定,但我哋太愛對方,唔理咩環境都選擇組織家庭。」





今年踏入 22周年,朋友為他們舉行派對, sweet高溫不遜於新婚夫婦。

堅持每日傾密偈

「一齊廿幾年,我今年都五十八歲,大半世人,能夠同一個人喺埋一齊咁多年,大家又互相愛錫對方,咁 care對方,佢永遠好肯聆聽我嘅分享,係甜嘅!好慶幸遇到呢個太太,請你幫我同佢講,我好多謝佢。」

與鍾淑慧結婚廿二年的「鷲哥」吳岱融,談及廿載婚姻之道時,說得最多,是「多謝」兩個字。

踏入「銅婚」之年,吳岱融沒因老夫老妻而對情趣鬆懈,反之着緊另一半的感受更勝從前,除灌錄一首暖男情歌《回去愛你十億秒》,給老婆鍾淑慧做禮物,身在內地拍戲的他,亦堅持每天同伴侶視像談心。





當年一家三口由馬來西亞二度移居去內地,不斷轉換新環境及教養兒子問題,令夫婦一度陷入緊張關係。





兒子政樺今年 20歲,正於新加坡當兵,兩公婆亦重過二人世界。

第一個七年最難捱

同樣鍾淑慧寧願兩邊撲,飛去新加坡陪伴當兵的兒子過完冬至及聖誕, Boxing Day返港放低行李,當晚就起行去深圳陪伴牽掛的老公。鍾淑慧說:「依家個仔大咗,我哋多番時間過二人世界,兩個仲 sweet過新婚時,因為一切都穩定,唔似後生時為生活為小朋友(兒子),為好多瑣碎嘢去煩,依家大家都可以多番時間 focus對方,好想爭取多啲時間相處同珍惜。」

婚姻從來不是童話,廿二年朝夕共枕,走唔甩陷入關係緊張的酸辣。今日吳岱融夫妻間可以愈走愈甜,是從結婚第一個七年的披荊斬棘調校而成,鍾淑慧續說:「婚姻唔係單單兩個相愛,仲要面對好多現實環境,婚後無耐我哋就離開香港,搬去新加坡重新發展、之後馬來西亞、然後內地,新婚生活都未適應好,就要適應不停轉變嘅新環境,當時對我哋關係而言係一個好大挑戰,加上最初新工作唔係太如意,情緒上大家好易,又有埋小朋友,磨擦係多。

不過最差都係冷戰,過幾日沉澱咗就冇嘢。最重要大家個心想唔想維繫,想的話乜嘢都可以捱過。咁多年,點冷戰我都唔會講離婚兩個字。嗰七年好似將夫妻間問題濃縮晒咁發生,當時我哋為口奔馳,邊得閒七年之癢,大家顧掂有瓦遮頭已經好好。」





為老婆清理領口,暖男吳岱融一個細微動作,被兒子拍下他們的恩愛點滴。





月前吳岱融灌錄一首屬於他倆的情歌《回去愛你十億秒》,老婆當然是 MV女主角。





生活安穩,又被老公寵愛的鍾淑慧,散發着幸福感。





90年代,二人以情侶檔拍三級片《替天行道之殺兄》,攞正牌親熱。

修心養性

另一關口是婚後第六年。○一年吳岱融在夜店打交受傷,他以為趕來醫院的老婆會將他痛罵一頓,豈料鍾淑慧只關心傷勢,一招以柔制剛,吳岱融徹底被征服。等候另一半成熟的鍾淑慧,從此進入收成期。吳岱融說:「一般女人遇到老公咁嘅事,嚟到都已經預咗係唔好嘅嘢,但佢嚟到唔單只冇追問,令我好感動係佢冇進一步去攻擊我,或者俾我唔好感受,佢會企喺我一方,陪我過咗呢關。當然之後有向佢解釋係咩一回事,佢亦好明白。呢件事係令我對呢段婚姻更心存感恩,好慶幸遇上佢。我結婚時都三十七歲,我娶佢就認定佢係我一生要照顧嘅伴侶,唔會受任何動搖,我哋咁多年互相都好錫對方,亦因為咁先堅持到頭嗰七年難關。」





當年老公在影圈發展不如意,已為人妻的鍾淑慧亦擔起頭家,每星期拖住篋返內地登台搵錢。





年初重返大台拍劇《巨輪 II》,演「高天鷲」一角,充滿男人味的他被網民 like爆,事業再彈起。





當年吳岱融是大台小生,同梁朝偉演過《絕代雙驕》,但之後無厘頭在亞視宣傳個人唱片,而被大台雪藏及解約,之後他跳去影圈發展。

蒙嘉慧變肥師奶鄭伊健:肥瘦都咁鍾意





結婚四年黐到實兩個人結束七年愛情長跑, 13年在日本低調成婚。

鄭伊健同蒙嘉慧拍拖七年, 13年在東京拉埋天窗。七年之癢冇出現,婚後感情有增冇減。四年來手拖手行街,一起做運動的甜蜜畫面經常出現。

蒙嘉慧收服大細路,她的相處之道就是:令對方過得快樂。老婆萬事以他為先,鄭伊健亦開到口,老婆發福,照單全收。

性格夾收服大細路

鄭伊健兩公婆雖不愛高調放閃,但每次出沒被發現,總是手拖手恩愛到爆。日前兩人去淺水灣醫肚,食完飯行去攞車,拖實老婆的鄭伊健,沿途 sweet talk。

昔日性格內斂的邵美琪同好勝的梁詠琪,都未能把鄭伊健收服,分手收場。好動型的蒙嘉慧跟他夾到爆,一段羽毛球情緣成功箍得住這個大細路。





婚後的鄭伊健,唔使開工就會陪住老婆,兩公婆拍拖行近年老是常出現。





兩公婆拖住手傾偈,聆聽居多嘅鄭伊健更不時露出笑容。

謝謝你為我遮風擋雨





收服大細路鄭伊健,蒙嘉慧的秘訣是令對方快樂為己任。

除了啱嘴型,蒙嘉慧的相處之道,也是她箍緊大細路老公的致勝秘訣。「婚姻之道就係最緊要令對方開心,有咩問題我唔會依賴對方幫我解決,我嘅責任係要令伴侶開心。」她又揀在相愛九周年日子,罕有公開晒愛,在微博寫道:「謝謝你為我遮風擋雨……酒我代你喝,你繼續努力工作吧!」

婚後減產,享受家庭生活的蒙嘉慧,就算身形逐漸膨脹,老公鄭伊健都照單全收,仲話:「佢以前太瘦,依家有少少肉地,無論肥定瘦,我點都鍾意。」

撰文、攝影:娛樂組


鍾意就快D Share啦!