掃呢頁CODE去手機

2017年12月7日 星期四

失落《踩過界》王浩信踩單車發洩 [壹週刊 - 1448] __,王浩信,M1,

一個凌厲眼神,王浩信跟手就係踩行油,劈住走。同你吟一吟失落《踩過界》王浩信踩單車發洩王浩信喺新加坡攞咗個男主角獎,先拔頭籌,以為坐定粒六做硬台慶視帝, ...






一個凌厲眼神,王浩信跟手就係踩行油,劈住走。

同你吟一吟

失落《踩過界》王浩信踩單車發洩

王浩信喺新加坡攞咗個男主角獎,先拔頭籌,以為坐定粒六做硬台慶視帝,點知中途殺出個《降魔的》馬明,又俾三哥攝位贏個馬來西亞視帝,而《溏心風暴 3》夏雨又來勢洶洶,由大熱變為黑馬嘅王浩信,點會唔失落!





黑旋風上身;冇戴頭盔小心呀!由 TVB踩返屋企日出康城,十分鐘都唔使。不過係返屋企,還是去北角搵蔡思貝?



《踩過界》唔夠人爭,王浩信惟有踩單車,舒暢吓!呢日離開 TVB,一身黑旋風打扮,戴埋黑口罩踩車走人。眼利嘅佢一眼睄到有鏡頭,本能反應踩行油,劈住走。不過呢副裝備,唔知係咪返屋企喎!





上月底喺馬來西亞俾三哥苗僑偉截胡搶視帝,只得豬肉獎嘅佢,呢個表情盡在不言中。





《踩過界》王浩信擔正男一,贏口碑。

撰文:八珍 

攝影:李玄


鍾意就快D Share啦!