2017年12月7日 星期四

拍拖年半都咁避忌,沈大師暗角箍實男友 [壹週刊 - 1448] __,沈大師,沈卓盈,M1,

沈大師同Calvin離開千両,攬到實於商場漫步。探熱針拍拖年半都咁避忌,沈大師暗角箍實男友沈大師(沈卓盈)同家族做內衣生意的Calvin拍拖年半,感情 ...






沈大師同 Calvin離開千両,攬到實於商場漫步。

探熱針

拍拖年半都咁避忌,沈大師暗角箍實男友

沈大師(沈卓盈)同家族做內衣生意的 Calvin拍拖年半,感情相當穩定,雖然沈大師死口唔認同居及有結婚打算,不過男友已經順利融入家中,就係鐵一般事實。

雖然係咁,但唔明沈大師同男友拍拖依然要好避忌,上週六沈大師孖住 Calvin於尖沙咀圓方開餐,兩口子原本糖黐豆 sweet到漏,但發現記者影相,二話不說彈開分頭走人,拍拖啫又唔係偷情,使唔使咁鬼祟呀?







眼利到有記者, Calvin先走人,其間不停傳短訊,估計同沈大師報告行蹤。





沈大師漫無目的四圍行,不時二百七十度四圍。





早前到外地度假的沈大師,上載一件頭泳照,噴血誘人指數爆錶。

圓方拍拖

沈卓盈喺大台密密拍無停手,至於她的感情生活一樣多姿多彩。剛剛忙完新劇《特技人》的沈大師,又是時候交人陪男朋友。上週六(二日)晚上九時許,帶齊藝人孖寶——黑超同帽的沈大師,同拍拖年多,屋企做內衣生意的 Calvin睇完七點半場離開。戲院內人頭湧湧,兩人刻意保持距離,少有交談,兩口子在商場附近徘徊,最後選擇在中價壽司店千両醫肚。





兩口子睇完七點半場到千両醫肚,食到餐廳閂門才捨得走人。

見光死

沈大師同 Calvin食到十一點鋪頭閂門先捨得走人,離開時四周大部分鋪頭已經關門,人丁單薄,沈大師 keep住同男友邊行邊講,兩口子愈行愈埋,沈大師雙手攬實 Calvin的手臂漫步,還不經意借男友的膊頭托住下巴,甜到漏。放閃維持了一陣子,沈大師忽然察覺有記者的蹤影,馬上向男友通風報信, Calvin馬上收起笑容,九秒九彈開,自行走落一樓商場。沈大師漫無目的邊逛邊傳語音短訊,其間不停向後望追尋記者的蹤影,最後沈大師偷偷竄落一樓,會合 Calvin離開。







沈大師早前同譚俊彥合作新劇《特技人》。





同金融闊少 Ray Mak拍拖至談婚論嫁,可惜臨門撻 Q。

融入家中

其實沈大師同 Calvin感情都已經相當穩定,又見晒雙方家長,沈大師仲講過男友已經完全融入她家中,屋企人有時更會 skip過她,直接同 Calvin聯絡。

既然今次打風都打唔甩,唔明沈大師點解仲要咁避忌。

撰文:娛樂組

攝影:陳亦龍、余一駱


鍾意就快D Share啦!
Related Posts Plugin for WordPress, Blogger...