2017年12月7日 星期四

人妻無避忌樂基兒凸腩任睇 [壹週刊 - 1448] __,樂基兒,基兒,M1,

探熱針人妻無避忌樂基兒凸腩任睇啱啱做咗朱太無耐的樂基兒,事隔十三年埋位拍電影《女士復仇》。導演睇準Gaile是supermodel,強烈要求戲服走性感 ...






探熱針

人妻無避忌樂基兒凸腩任睇

啱啱做咗朱太無耐的樂基兒,事隔十三年埋位拍電影《女士復仇》。導演睇準 Gaile是 super model,強烈要求戲服走性感路線,夾啱女主角正在蜜運中,心廣體胖收都收唔到,難得鬼妹仔無事不可對人,全程任拍,凸腩現晒形都無避忌!







啱啱去完峇里做瑜伽的樂基兒,明顯修身,凸腩不再。

最無所謂

《女》片由鄧麗欣、周秀娜同樂基兒擔正演出,導演原定安排咗超性感戲服俾三位女主角,但另外兩位對戲服意外地有意見,唔係怕走光,就怕鬼祟肉走漏眼,即使部分肯妥協穿著,但拍攝時都分外謹慎,唔想喺鏡頭前獻醜。偏偏蜜運到心廣體胖的 Gaile,見到性感的戲服勁興奮,「呢個打扮都未試過,比起行 show嗰啲唔算性感!」 Gaile說。

明知著性感戲服, Gaile都無刻意戒口,埋位時又無要求攝影師借位遮醜,搞到腩肉現晒形。

「其實現場都有工作人員睇唔過眼,同 Gaile講擺過位就吓拍得佢瘦啲,不過佢因為廣東話講得唔好,成日 NG,覺得阻住劇組收工,所以就話『 I don't care!』當無事發生!」一名劇組人員透露。





見慣大場面嘅娜姐坦言俾 KB舔面,夾集對方的汗水同假血漿,極攞命。





場大戰變態 KB, Stephy、娜姐異口同聲話對方好似上身咁勁大力,搞到拍完撞到周身傷。

螞蟻纏身

近年無拖拍,閒時 keep住做運動的周秀娜,心口大縮水,不復當年勇,雖然電影入面的衣著打扮不及樂基兒性感,但一樣秀色可餐,其中同 KB( Kevin Boy李健宏)結尾一場埋身肉搏,單是試位已經俾對方撞到周身瘀,最慘莫過於大家有超親密接觸——被對方舔面,娜姐坦言是入行以來最尷尬的一次。

「都知係劇情需要,但係 KB好似上咗身咁,搞到佢身上嗰啲假血黐到我一身都係,所以拍完覺得勁尷尬。」周秀娜說。

據知《女》片所用的假血漿加入了糖漿營造效果,加上開工期間撞正大熱天時,搞到娜姐成為螞蟻恩物,長期被纏身,痕癢無比,加上拍攝的場地歷史太悠久,老鼠橫行,搞到不用埋位時,尤其開夜班,娜姐連坐都不敢,就是怕自己大意瞓着惹老鼠咬,所以話片酬每一蚊都有血有肉,絕無誇張!





心口不服當年勇,娜姐惟有靠股惑出奇制勝。





相比之下 Stephy全套戲包到冚,唯一亮點是床上裸露上背部。

撰文、攝影:娛樂組 


鍾意就快D Share啦!
Related Posts Plugin for WordPress, Blogger...