掃呢頁CODE去手機

2017年12月7日 星期四

食家鄧兆尊開餐前掃街打底 [壹週刊 - 1448] __,鄧兆尊,兆尊,M1,

兆尊邊行邊大啖食,完全懶理同行嘅友人。左(二奶車厘子)右(三奶Clarie)同你吟一吟食家鄧兆尊開餐前掃街打底秉承伯爺已故慈善伶王新馬師曾(鄧永祥)生 ...






兆尊邊行邊大啖食,完全懶理同行嘅友人。左(二奶車厘子)右(三奶 Clarie)

同你吟一吟

食家鄧兆尊開餐前掃街打底

秉承伯爺已故慈善伶王新馬師曾(鄧永祥)生性風流(有過三段婚姻),現年五十歲的鄧兆尊就有三個女人肯死心塌地共同「些牙」一個男朋友,真係唔少男士嘅偶像。







車厘子一眼關七,睇住兆尊買外賣,又要等埋阿三同朋友。

口味奇特過人嘅兆尊呢晚撇低阿大 Carman,同阿二車厘子、阿三 Clarie以及兩個友人現身銅鑼灣利園。阿三同朋友傾到雞啄唔斷,鄧兆尊一於少理先行一步,急急腳原來為咗串生腸,緊隨其後嘅車厘子似乎好知定,企喺馬路旁,一邊等兆尊買外賣,另一邊嗌停三奶同友人。

拎住串大腸勁滿足嘅兆尊,邊行邊食,眼尾都無望過同行嘅朋友,便先行過馬路,都係車厘子夠醒目,好似領隊般,集合埋其他人急急腳跟上兆尊。一行五人最後入咗幢全部都係食肆嘅商業大廈,估計開餐醫肚。

開餐在即都要打底,兆尊同佢嘅感情生活一樣,食力真係不容忽視!





地位崇高過人嘅阿大 Carman(箭嘴)當晚未有同行。





慈善伶王新馬師曾有過三段婚姻,兆尊等人是第三任老婆洪金梅所出。





兆尊同最愛嘅阿三行先,留番車厘子同友人殿後。

撰文:八珍 

攝影:李玄


鍾意就快D Share啦!