掃呢頁CODE去手機

2017年12月27日 星期三

【獨家】12年落選港姐婚事觸礁 26歲尤蔭蔭﹕屋企人覺得我仲細 __,港姐,

現年26歲、2012年落選港姐尤蔭蔭,早前入紙申請與圈外男友梁揚提結婚。當記者致電講恭喜時,蔭蔭卻甚為緊張,坦言係暪住屋企人入紙,之後便匆匆收線。相隔 ...




現年26歲、2012年落選港姐尤蔭蔭,早前入紙申請與圈外男友梁揚提結婚。當記者致電講恭喜時,蔭蔭卻甚為緊張,坦言係暪住屋企人入紙,之後便匆匆收線。

相隔一日,《蘋果》記者再致電蔭蔭,佢話婚事要延期,佢解釋:「雖然申請咗,但因為屋企發生咗啲事,所以會延遲簽紙,到確認結婚日期才通知大家。」再三追問下,蔭蔭坦承家人反對佢太早結婚,佢話:「佢哋覺得我仲細個,加上希望男友事業穩定啲先,咁就遲啲啦。」

蔭蔭比男友細12年,佢透露對方係台灣人,從事金融行業,兩人拍拖已經4年,不過蔭蔭一向對感情事好低調,IG連一張拍拖相都冇。蔭蔭透露早前同男友一齊去日本旅行,對方跪地向佢求婚,佢話嗰一刻真係好感動:「當時佢帶咗我去一個好靚嘅湖邊,最初唔知佢搞乜,原來係set緊鏡頭,佢突然跪地向我求婚,仲話呢個地方佢曾經嚟過,以前就諗住帶同佢一生一世嘅人嚟呢度,咁我就應承咗。」

蔭蔭現在喺奇妙電視嘅主播,同屆港姐冠軍張名雅已為人妻,而亞軍黃心穎同季軍朱千雪亦名花有主。

更多娛聞,喺晒《娛果》

http://fb.com/appledailyent

尤蔭蔭拍拖好低調,從來唔係網上貼男友合照。(右/攝影﹕卓寶花) 尤蔭蔭現在係奇妙電視嘅主播。(ig圖片) (ig圖片)
激罕喺網上晒身材。(ig圖片)

尤蔭蔭嘅屋企人唔希望蔭蔭太早婚,最終婚事要延期。(ig圖片)
尤蔭蔭當年選港姐,曾被指係醜小鴨。

鍾意就快D Share啦!