掃呢頁CODE去手機

2017年12月27日 星期三

享受11年警察生涯!陳欣健着制服開個唱 __,陳欣健,

點估到陳欣健冇歌都照開騷,勁呀!藝人陳欣健(Philip)舉行「陳欣健EVENNOW此情此刻·濃情金曲聖誕夜演唱會」,吸引不少圈中好友包括胡楓、汪明荃 ...


點估到陳欣健冇歌都照開騷,勁呀!


藝人陳欣健(Philip)舉行「陳欣健EVEN NOW 此情此刻·濃情金曲聖誕夜演唱會」,吸引不少圈中好友包括胡楓、汪明荃、薛家燕、楊受成夫婦、盧冠廷夫婦、張婉婷和老公羅啟銳、車淑梅和張文新、謝寧和老公、趙曾學韞一家來捧場。Philip一身禮服Look出場祝觀眾聖誕快樂,他稱千多門票能在三日內售清,笑問觀眾可知入場看甚麼,自嘲一首歌都冇:「如果想睇棟篤笑,呢場唔係黃子華!」而看到胡楓在台下,更講笑說看完這個騷觀眾可憑票尾向胡楓換他個唱飛,令胡楓哭笑不得。不過Philip即認真說自己能開騷是圓夢,令他知道人生真諦是「只要夠長命乜都會發生」。

之後首位嘉賓陳潔靈出場和Philip合唱《今晚夜》,當送花給她時更抵死說:「用完畀番我,一陣要畀第二個歌手,冇乜Budget嘛。」緊接出場的梁漢文(Edmond)Philip以當年華星最錫的小朋友來形容,Edmond笑言:「唔係小朋友喇,我都4條6。」Philip唱出他的《纏綿遊戲》頭幾句英文歌詞,之後就交給Edmond唱下去。另外還請來車婉婉做嘉賓獻唱,而李思捷上台扮Philip又模仿許冠文大騷扮嘢本色。

Philip自爆當年未入行前做警司,當年的銀行劫案非他第一個衝入去制服劫匪,其實他是神槍手才對。而他都好享受11年的警察生涯,講到入娛樂圈真相,Philip請了好友許冠文上台解畫,指許冠文當年對他說人要追夢先會快樂,許冠文笑言:「你嘅性格又多情,又心軟,又浪漫,點似做警察,見個賊靚女啲你娶佢做老婆都似。」之後許冠文被誠邀下唱出《鐵塔凌雲》。

而Philip又自爆指他一生的緋聞都假,曾被拍到指他70歲一拖二,於是他請了當晚兩男兩女的朋友上台,在台上重組案件「拆解」,其實當時還有兩個同行男士但被「裁走」,他笑言:「即係如果朋友身材好勁又姣嘅話,同佢出街好危險,都係匿埋屋企打麻雀算。」

個唱尾聲請來Joe Junior、Anders Nelsson、Christine Samson、Danny Diaz演出外,還請埋台下的汪明荃、胡楓、盧冠廷等現身唱出最後一首歌《Those were the days》。完騷後Philip接受訪問,他表示因穿皮鞋又企足近三小時十隻腳趾都好痛,都擔心會抽筋,又怕忘記歌詞和冇拉褲鏈,而大女上台演唱令他很感動。問到是否很緊張?他直言:「驚到鼻哥窿都冇肉。(講到他一人訂幾百張飛?)係呀,總共訂咗802張飛,啲朋友喺上海、北京、廣州過嚟睇,唔開騷都唔知自己有咁多朋友。」

----------------------------

東網巨星開咗ig喇,大家快啲follow

https://goo.gl/KGuo2N


來源 source: http://hk.on.cc
鍾意就快D Share啦!