2017年12月27日 星期三

【輸俾千雪心穎】同屆港姐個個都屈機 尤蔭蔭101倍超冷包尾 __,心穎,朱千雪,千雪,港姐,黃心穎,

2012年落選港姐尤蔭蔭有結婚嘅消息喇,雖然屋企人覺得佢太細個,不過都認定對方喇,呢位前港姐o依家喺奇妙電視做主持,兩文三語laklak聲,又識韓同緬 ...




2012年落選港姐尤蔭蔭有結婚嘅消息喇,雖然屋企人覺得佢太細個,不過都認定對方喇,呢位前港姐o依家喺奇妙電視做主持,兩文三語lak lak聲,又識韓同緬語,係TVB走寶藝人之一。

雖然話落選,但其實係雖敗猶榮嘅,因為呢屆港姐可以話人強馬壯,當屆名單有一半大家都熟悉,仲要靚女,現時都上梗位。冠軍張名雅唔使多講,亞軍季軍分別係兩位BB——心穎BB同千雪BB,兩位幾年間儲落唔少fans,不過目前都係封盤狀態。

三甲以外,絕大部份都識,首先未能成功晉級最後20強嘅代表有「咪神」陳婉衡同女神簡淑兒。入到圍嘅女仔,有當屆最上鏡小姐得主岑杏賢,有同羅天宇越戀越高調嘅湯洛雯,又有喺《東張》扑咪後人氣升嘅林泳淘、又有《性在有情》陳敏之個妹陳華鑫。

一句講晒,呢屆潛力股真係好多,所以尤蔭蔭就成為咗「犧牲品」,當時高登仔為入圍佳麗開出賠率,尤蔭蔭以101倍大冷門包尾。不過呢數字睇下就算,因為張名雅當時得8倍,朱千雪都係得14倍,僅僅好過黃心穎15倍咋。

更多娛聞,喺晒《娛果》

http://fb.com/appledailyent



尤蔭蔭o依家為奇妙電視擔任主持。(facebook圖片) 以前選港姐嘅時候…同屆對手可能係最高質一屆。(資料圖片)
包括季軍千雪BB(資料圖片) 千雪BB同最上鏡小姐岑杏賢。(ig圖片) (ig圖片)
心穎BB係亞軍。(資料圖片) 大熱嘅湯洛雯。(資料圖片) 林泳淘


陳華鑫 入唔到最後20強嘅簡淑兒。(資料圖片)
同樣入唔到最後20強嘅陳婉衡。(資料圖片)

鍾意就快D Share啦!
Related Posts Plugin for WordPress, Blogger...