草蜢合共五場的「草蜢世界巡迴演唱會2017」在紅館首場開鑼，三子連場勁舞，更少不了與女舞蹈員的火辣演出。當中蔡一傑遭性感兔女郎又錫又摸，傑仔以摸胸回禮，而蘇志威則拍打以SM打扮的女郎的Pat Pat，而蔡一智就和艷女郎大玩人肉三文治，場面性感火辣辣。蔡一智就表示：「今日唱咗好多歌係關於時間同選擇，將來大家係有得揀就係快樂。快樂有三件事，第一就係有自己想做嘅事、第二係有值得愛嘅人、第三係有夢想。我想講草蜢都有個夢想想分享，唔知幾時會發生，就係草蜢會喺宇宙另一邊開演唱會，草蜢去到火星，去到木星，大家會唔會同我哋一齊去，係咪都係咁興奮，去到2085年我哋草蜢就喺火星開演唱會。」
三子完騷後接受訪問，講到今次演唱會是否比以往跳得更多舞？傑仔表示：「我哋宣傳時已經講會有88%係跳舞，一早已經預言咗。（之前傷咗膊頭位？）係『Chok』傷咗，手揈到某個角度就去唔到，但冇問題，會撐住落去！OK嘅，我仍然跳得好堅嘅。」阿智即笑言：「跳到腳都斷，（你條腰傷如何？）你哋覺得我有問題咩。（就係冇？）係囉，冇事，我仲做咗好多次彎腰，見到啲兔女郎冇晒事，成個人直晒。」傑仔即言被兔女郎錫到個嘴滿是唇印。
之後傑仔感謝一班舞蹈員為演唱會日夜排練，有人更因而練到受傷，要去看跌打，而因舞台設計有高有低，日前有舞蹈員不小心「踏空」而扭傷，他們都為草蜢付出汗水，傑仔更說到雙眼通紅感觸說：「所以演唱會嚟講，最多跳舞部份嘅我夠膽講就係草蜢。」講到傑仔其中一個全黑裙造型，他表示一如以往每逢草蜢演唱會都會唱一首歌給師傅（梅艷芳），相信阿梅會知道他們三子很掛念她。
----------------------------
東網巨星開咗ig喇，大家快啲follow
https://goo.gl/KGuo2N
|
鍾意就快D Share啦！
|
|
|
