鄭欣宜諗住去旅行充吓電，點知就出事。
歌手鄭欣宜今日下午喺社交網上載短片，自爆早前斷腳並入院接受手術，一直未透露受傷原因嘅佢，喺晚上十時半開直播，向粉絲及網民交代受傷經過。鄭欣宜話早前得知將會喺紅館開騷，就出國旅行充充電，以最佳狀態返來準備演唱會嘅事項，點知就發生樂極生悲嘅事情，鄭欣宜說：「喺旅遊時，跳水唔小心整親。我好蠢！跳水時以為水好深，點知跳落去隻腳插到沙，同埋錯（跳）咗方向，腳骨裂咗，韌帶斷咗，隻腳移咗位。」佢仲話初時以為只係扭傷，點知搭飛機返香港後，發現隻腳好腫，最後求醫並接受手術。
鄭欣宜仲感謝粉絲同朋友嘅關心同打氣，自己學緊用拐杖上落樓梯，仲叫大家唔使擔心，會堅強面對，仲講笑話就算撐住拐杖都會喺紅館演出。
來源 source: http://hk.on.cc
|
鍾意就快D Share啦！
|
|
|
