掃呢頁CODE去手機

2017年11月17日 星期五

麥子樂寸陳家樂係死 __,陳家樂,麥子樂,

麥子樂(左圖)同陳家樂Friend咗之後咩都可以講!同屬英皇旗下藝人的麥子樂及陳家樂早前合拍靈異電影後加深了解,實行「同撈同煲」,不過原來子樂對家樂的 ...


麥子樂(左圖)同陳家樂Friend咗之後咩都可以講!


同屬英皇旗下藝人的麥子樂及陳家樂早前合拍靈異電影後加深了解,實行「同撈同煲」,不過原來子樂對家樂的印象曾相當負面!子樂即使當着家樂面前仍坦言﹕「即使同公司,當初大家好陌生,我覺得呢個死𡃁仔見到我呢個大哥哥都唔打招呼喎,後來先知原來係佢性格比較內斂,後來一齊拍戲相處落嚟,知道大家都熱愛電影,呢個死𡃁仔亦唔係只得個殼!」

二人早前首次涉足馬來西亞拍靈異戲時,表現落力兼合作換來不少製作人好評,結果二人片約不斷,一口氣拍了4部電影,難怪二人形容這是事業上的轉捩點。拍戲工餘閒談時,才發現彼此際遇相若,正在上位的家樂還自揭「身世」謂﹕「有諗過放棄(娛樂圈)㗎,嗰時差唔多時間入行嘅洪卓立同陳偉霆都好多機會,我就得個等字!拍完《幸運是我》之後好似零反應咁,而公司就想我接有發揮嘅角色。諗返轉頭當初如果唔係麥曦茵(導演)執我嚟拍戲,相信我已經冇喺呢行喇。」

至於17歲入行當模特兒的子樂,本來想唱歌最終卻簽約入無綫拍劇,多年來知名度一般,直至改簽英皇電影後工作開始遞增﹕「喺我心目中,每個人都總有機會嘅,我覺得自己用咗段長時間嚟儲演出作品、儲觀眾囉,而家開始寫劇本。(想做導演?)其實要同時兼顧台前同幕後係好難嘅事,我好佩服張家輝同杜汶澤,自己就暫時未有咁嘅打算,但我同家樂都好鍾意度橋,除咗幕前合作好有默契外,都想喺不久嘅將來試吓喺幕後方面再合作。」

談到如今的兄弟情,家樂大爆子樂曾「救佢一命」﹕「喺馬來西亞拍戲期間,我生智慧齒又嚴重腸胃炎,好辛苦,好彩佢一直喺度照顧我咋。」子樂聞言接口﹕「咁客氣?都唔算乜照顧嘅,只係我比較小心,出門會帶好多藥啫,佢好番我就即刻捉佢去跑步,運動有助身體健康嘛。」

場地﹕風日本料理

陳家樂化妝﹕Yellow Wong

陳家樂髮型﹕Billy Wong

麥子樂化妝﹕Yvvone Yeung

麥子樂髮型﹕Raymond Yeung

麥子樂服飾﹕JACK WILLS

----------------------------

東網巨星開咗ig喇,大家快啲follow

https://goo.gl/KGuo2N


來源 source: http://hk.on.cc
鍾意就快D Share啦!