2017年11月15日 星期三

一家搭廉航外遊 加錢免排隊陳凱琳登機有特權 無辜被鬧 __,凱琳,陳凱琳,

■陳凱琳上周六搭廉航由大阪返港,與胞弟辦理登機手續,結果被其他乘客鬧插隊。讀者提供圖片【爆相爆片】陳凱琳(Grace)早前出錢請父母及胞弟到大阪及京都 ...




【爆相爆片】陳凱琳(Grace)早前出錢請父母及胞弟到大阪及京都旅行。豈料上周六一行人搭廉航香港快運航空返港時,有乘客投訴她與家人毋須排隊便有特快登機及有職員帶入閘,被質疑享有特權,現場有乘客高呼「大細超」。對此Grace昨出席活動時大感無奈說:「我買咗U-Biz,可以優先check in同登機。」

雖然陳凱琳與鄭嘉穎拍拖以來經常孖住出入,但仍會做孝順女抽時間陪伴家人。日前她便與父母及胞弟到大阪及京都旅行,據悉今次酒店及機票更是Grace一手包辦,認真體貼。不過,Grace今次家庭樂尾聲時卻遇上小風波,日前讀者劉小姐向本報「爆相爆片」,指上周六(11日)下午3時許在大阪機場見到Grace一家坐香港快運航空(HK Express)返港時,毋須排隊便可特快登機,甚至有職員帶入閘,因而被其他乘客質疑享有特權。



■陳凱琳及其家人更獲航空公司職員帶入閘。讀者提供圖片 ■陳凱琳對父母及弟弟疼愛有加,包辦今次遊日的機票、住宿。互聯網圖片

包辦機票酒店

片段中,見到戴住黑超的Grace與弟弟一馬當先行去登機櫃枱,父母就站在後面等候。Grace與一男一女職員傾談了一會後辦理完登機手續,之後便由男職員帶領Grace一家往入閘方向,其間隱約聽到有排隊中的乘客投訴說:「因為大細超,佢VIP入閘!」而讀者劉小姐就謂:「當時我同朋友正辦理登機手續,職員突然放低我哋啲資料,幫另一位乘客嘅行李掛上priority tag(優先級標籤),職員就話搵另一個人幫我哋,叫我哋等等。我跟住望一望,原來嗰個係陳凱琳,見佢同職員傾咗一陣,搞埋手續就跟住個男職員行去入閘方向。我哋條隊係online check in,都好長龍,唔知佢係咪VIP,或買咗fast pass啦,所以唔使排隊。」劉小姐表示跟Grace同一班機返港,乘客差不多全是香港人,但就未見有人找Grace簽名或影相。



■陳凱琳大讚弟弟的攝影技術跟父親一樣好。互聯網圖片 ■身形纖瘦的陳凱琳在日本開懷勁食。互聯網圖片

孖嘉穎去旅行

對被質疑有特權,Grace前晚在電話中否認其事,透露自己買了U-Biz(HK Express的商務旅遊計劃),她說:「唔緊要,最緊要個trip玩得開心,其他嘢唔會諗咁多。」

Grace昨日一身金色低V露背裙於尖沙嘴出席「MAAT尋找黃金比例頒獎禮」,對於有乘客質疑她享特權,Grace語帶無奈說:「我買咗U-Biz,我係排priority,唔知點解會咁,係可以優先check in同登機,好多航空公司都有。」問為何撇甩嘉穎時,她說:「今次想一家人去,同埋佢有工作,遲啲聖誕節會同佢去吓旅行,好期待,唔好送禮物,去旅行就得喇。」Grace透露會到熱帶地方,並揚言不會閃婚。

採訪:嵐山、黃曉妍

攝影:葉君海



■陳凱琳昨出席活動時揚言購買了U-Biz優先check in和登機,不明何以被指享特權。 ■陳凱琳表示聖誕將與男友鄭嘉穎一同到熱帶地方旅遊。資料圖片

非專利服務:付錢即可優先登機

大部份廉航包括Easyjet、樂桃航空等都設有額外付費享用優先揀位、辦理登機手續和登機服務,而陳凱琳選搭的廉航HK Express亦設有商務旅遊「U-Biz」,只需多付480元起價錢,便可享用額外寄艙行李、優先辦理登機手續和登機等服務。

而在HK Express官網中,註明U-Biz可於香港國際機場享用優先辦理登機手續和預先登機服務,但未有清楚註明其他適合使用機場,僅在條款及細則中註明「某些專屬服務並不適用於部份機場或航班提供」。




鍾意就快D Share啦!
Related Posts Plugin for WordPress, Blogger...