掃呢頁CODE去手機

2017年11月23日 星期四

下半場江湖地大佬 B揸鑊鏟打拼 [壹週刊 - 1446] __,大佬 B,吳志雄,M1,

探熱針下半場江湖地大佬B揸鑊鏟打拼早前在網劇《反黑》飾演淡出江湖、享受家庭生活的「大佬B」,是吳志雄現在式寫照。由縱橫黑道,到淡出轉投影壇,經歷生意失 ...






探熱針

下半場江湖地大佬 B揸鑊鏟打拼

早前在網劇《反黑》飾演淡出江湖、享受家庭生活的「大佬 B」,是吳志雄現在式寫照。

由縱橫黑道,到淡出轉投影壇,經歷生意失敗,落難再翻身的志雄哥,下半場江湖地轉型揸餐刀、揸鑊鏟,花了三年時間在內地打拼,建立連鎖西餐廳、火鍋店、自家湯包的飲食王國,前塵日子擔驚受怕,下月六張的大佬 B,食嘅係安樂茶飯。

作詩提醒自己

「貧窮說話牙無力,富貴嬌人鼻有聲;有魚有肉朋友多,有錢需記沒錢時;落難何曾見幾人,人來求我三春雨,我求別人六月霜。」

訪問期間,志雄哥隨口唸出寫給自己的打油詩。六十歲的他,半百前是過山車人生,曾縱橫黑道、坐過監,迷途知返加入影圈,由做電影策劃,變投資老闆,食住「古惑仔」系列名利雙收,不過幾千萬身家的大佬,卻因投資失敗及爛賭輸剩一層樓,嘗盡人情冷暖。紋身記錄着前塵,這首詩,是失意的印記警惕。





%在早前網劇《反黑》,他飾演回歸平淡、愛家庭生活的大佬,他說:「演番我自己。」





由藝人變餐飲業老闆,志雄哥本月在江蘇開正宗港式火鍋店「隆順記」,下個月開多間麵店。

只信親人

年輕靠拳頭、揸刀搵食。他說沒料在半百之後,靠揸咪翻身,再靠一把刀,不過係餐刀,擁有今天的飲食王國。三年前在深圳開主題西餐廳「侯斯頓西餐吧」,從此東山再起。餐廳開完一間又一間,又出自家湯包。經歷過生意失敗,他提醒自己:「我只會同親人搞生意,我唔會同其他人合作,因為我曾經都俾啲拍檔害得我好慘。





自己做生招牌的湯包,志雄哥交由大女打理,除方力申捧場,導演劉偉強返內地工作,必掃他的即食湯包傍身。







在《古惑仔》系列,他演的「大佬 B」成為經典。





志雄哥的西餐廳遍及深圳、廣州及常州等地。「單係深圳嗰間,萬六呎場地,花咗成千萬搞。」





電影《古惑仔》在內地無人不識, 09年他打着「大佬 B」旗號去登台,成為翻身機會。

冇諗過晚年有運

當日我冇諗過再咁掂,最初喺內地開茶餐廳,生意不過不失,每月搵到十萬八萬夠使啦,知足咪 OK囉。冇諗過登台會咁受歡迎,可以一個月搵到幾百萬,賺到嘅錢買磚頭,繼而開西餐廳,生意做得好,因為我呢一輩人,有道義講誠信,做事認真。」

義字唔可以爬頭

江湖出身,什麼都義字行頭,看得太重,是昔日一敗塗地的主因。「以前人哋嗌你一聲大佬就當人兄弟,睇個義字緊要過家庭,對兄弟朋友好過家人。以前老婆成日鬧我,屋企兩斗米都冇,為兄弟連身上僅有嘅都俾埋人。當有難時,發現屋企先係避難所,同兄弟朋友講,佢哋只會敷衍話幫你諗吓

救夫變賣首飾

依家義字唔係冇,而係家庭睇重啲。好在兩公婆經歷咁多不離不棄,仔女又好。當年老婆為我賣晒首飾同樓俾我還債,仲話跟你有同冇都一樣,當時我同老婆講:『放心,你老公咁聰明,一定有日可以還番晒俾你。』今日呢句成真,(東山再起)還番晒」







志雄哥跟艾威是 78年無綫藝員訓練班同學,與吳孟達也是識於微時,友情三十多年。





與李兆基同被喻為影壇「四大惡人」之一,對方近年中風不良於行,志雄哥說:「近年佢好怕見人,約佢聚吓都唔肯出嚟。」





他常在朋友圈寫文舒發,估唔到大佬 B份人幾感性。

要開明有量度

志雄嫂:做佢嘅女人十分之難

圈中出名愛妻號的志雄哥,當年他為電影《古惑仔》任策劃,主角陳浩南以他做江湖大佬時的藍本創作,浩南身邊的女友「細細粒」,他說是志雄嫂的縮影。不過現實版「細細粒」,沒有如戲裡跟浩南齊齊跳簷篷出生入死的場面。「陳浩南成日帶住細細粒喺駱克道出沒,當年我就係咁。以前我同一時間有十幾個女朋友,同阿嫂拍拖時,同期都有四、五個,最後點解鎖定佢做老婆?因為佢斯文、大方,唔會嘈喧巴閉。身為江湖人,想搵呢啲老婆睇住屋企。」

做志雄哥的女人,都要撐得住大局。「佢以前身上只得一百蚊,有人行過嚟話冇飯食,問佢借錢,佢會俾一半人。(在旁邊的志雄哥插嘴:『呢啲叫義氣,所以有段時間冇晒錢。』)所以我要為佢守住頭家,做志雄嘅女人十分之難,要顧好多嘢。當年晚晚等佢返嚟,一見佢返就定啲,冇辦法,佢當年靠拳頭搵飯食,返嚟一陣轉頭又要出去,做阿嫂要好開明,要有量度,少啲都做唔到阿嫂。條繩要識放得遠,我唔鍾意一日跟到黑,朋友問我放唔放心,有咩唔放心。」外形細細粒的志雄嫂,雖是家庭主婦,但說話語調,都流露阿嫂的氣場。

今日志雄哥有飲食王國,閒時過吓戲癮登吓台,把賺來的交由老婆保管,甘苦與共的志雄嫂,終嘗真正的安樂茶飯。

「我老公依家一得閒就家庭樂,陪住我哋。佢咁多年都好錫我,只要我講過鍾意咩,轉頭佢就買俾我,所以依家我唔敢隨便喺佢面前講,否則一開口就有。(記:志雄哥原來係暖男!)呢啲叫暖男咩?咁錫啖暖男」兩公婆情義重,亦情趣十足。





志雄嫂讚完老公是暖男,即肉緊嘴他作獎勵。





他說鄭伊健演《古惑仔》陳浩南,及黎姿的細細粒,是以他與老婆為藍本的創作。

由七千唱到五萬

有傳失意時的志雄哥,以兩百元傍身就隻身去內地展開登台生活。 09年,當時年過半百的志雄哥,應圈中四大惡煞的好友李兆基之邀,以七千港元一場歌酬去處男登台。「其實當時搞緊茶餐廳,起初唔想唱,不過老婆話:『唱啦,一簽十二場,賺呢筆錢俾我買吓嘢都好!』咁咪應承囉!」

打着《古惑仔》角色「大佬 B」排頭去做騷,反應好,一唱即爆,成了內地主辦商的搶手貨,第二轉登台身價已跳至萬三蚊一場。「 09至 12年高峰期,我試過每個月唱廿八場, booking全年 full晒,之後歌酬五千五千咁加上去,令我翻身嘅第一桶金,到依家五萬蚊一場。依家唔想唱咁多,一個月唱五場算,將機會推薦俾兄弟。」





當年志雄哥把老婆的好姊妹肥媽推薦給南燕,為電影《監獄風雲》唱主題曲《友誼之光》,志雄哥有份和唱。

撰文:娛樂組 

攝影:李溢敏、余一駱


鍾意就快D Share啦!