掃呢頁CODE去手機

2017年11月20日 星期一

曾經歷大病 佘詩曼媽媽67歲生日容光煥發 __,佘詩曼,

佘詩曼媽咪尋日生日,阿佘晒出合照祝福媽咪!藝人佘詩曼(阿佘)雖然已經42歲,除咗一副童顏,但身材Keep得非常好零走樣!早前佢就晒一張三點式「影後」照 ...


佘詩曼媽咪尋日生日,阿佘晒出合照祝福媽咪!


藝人佘詩曼(阿佘)雖然已經42歲,除咗一副童顏,但身材Keep得非常好零走樣!早前佢就晒一張三點式「影後」照,蛇腰美腿盡現,真係超索!正所謂「有其『女』必有其『母』」,尋日就係佘媽媽67歲生日,阿佘就晒咗張母女合照,隔空祝福媽咪!

遙遠祝福

阿佘喺微博發文:「她是我的好朋友,她是我的至(摯)親,她是我的人生導師。今天的壽星女 我最愛的媽咪!祝永遠像28的你生日快樂身體健康遙遠的祝福!#我在哈爾濱#」睇嚟​​阿佘要開工而陪唔到媽咪過正日生日,但佢非常有孝心,相中嘅佘媽媽一頭招牌銀髮化埋妝,容光煥發,網民都向佘媽媽送上祝福,大讚佢保養得宜!

「心跳呼吸停了20秒」

其實阿佘同媽咪一向感情要好,佢曾喺大陸綜藝節目《說出我世界》細訴鮮為人知嘅故事!佢5歲時爸爸車禍離世,所以媽咪獨力湊大阿佘三兄妹!有一次媽咪病重入院做手術,醫生仲話可能「唔會再醒」!當年2005年阿佘去北京參加頒獎典禮,喺台下等攞獎時,阿佘接到個電話,佢話:「他說,你媽媽在美國動了一個肺部的手術,她心跳呼吸停了20秒,醫生說你們要有心理準備,因為媽媽永遠都不會再醒來,或許醒來以後,她會失去所有記憶,我傻了。」幸好,佘媽媽如今非常健康,阿佘早前仲送樓送車報答媽咪養育之恩,又不時抽空享天倫樂,呢個女真係好孝順呀!

----------------------------

東網巨星開咗ig喇,大家快啲follow

 https://goo.gl/KGuo2N 


來源 source: http://hk.on.cc
鍾意就快D Share啦!