掃呢頁CODE去手機

2017年11月15日 星期三

3年地下情玩完 許靖韻堅拒同羅啟聰復合 __,許靖韻,羅啟聰,

呢段情未見光已死。英皇歌手許靖韻(Angela)在九展以「小背心」身份開處女騷,吸引600Fans入場,人氣急升成新一代網絡女神。入行4年鮮有緋聞的A ...


呢段情未見光已死。


英皇歌手許靖韻(Angela)在九展以「小背心」身份開處女騷,吸引600 Fans入場,人氣急升成新一代網絡女神。入行4年鮮有緋聞的Angela簡直純過蒸餾水,不過據知原來女神和星娛樂旗下歌手羅啟聰(K.I.S.)拍咗拖達3年之久。

在K.I.S.的社交網上,見兩人於2014年時,曾甜蜜撐枱腳,男方留言「盡在不言中」,可見情非泛泛,而翌年兩人又再齊慶祝七夕,男方留言:「祝各位七夕情人節快樂!我們終於可以出外食餐飯」,而K.I.S.不時抱住小狗合照,更試過半裸攬住狗狗,又跟狗狗在床上瞓覺,而K.I.S.的小狗跟Angela的愛犬阿Bu,除樣子外,連狗繩都一模一樣,可見Angela常帶埋阿Bu和K.I.S.拍拖。

半年前分咗手

日前在九展音樂會,「小背心」Angela除下面具露真身後,她再穿上性感小背心變回「小背心」接受東網訪問,問她和K.I.S.是否情侶關係,她坦言:「係拍過拖,呢啲冇得隱瞞,不過我同佢喺半年前分咗手。」分開原因是性格不合,但依然保持朋友關係,她說:「我好關心佢,有工作會介紹佢。(點解分手?)我係個好黐身嘅女友,男友唔覆我電話,我就會亂諗嘢,好多疑,兩個人脾氣都好大,因為咁我哋成日鬧交,仲係好激嗰種。(有有郁手郁腳?)差唔多啦。」可是她仍極維護K.I.S.:「佢真係一個好人,好有音樂夢想,好勤力,只係欠機會,同佢一齊,我一早知佢經濟唔算好,但甘於同他一齊捱窮,兩個都係好鍾意音樂嘅人,所以喺一齊時好開心。」

K.I.S.頹爆

而K.I.S.直認跟Angela分了手,在WhatsApp中頹爆回覆:「其實我都未忘記到(Angela),個人都有點抑鬱。(再追求Angela?)算啦,佢都好似當我係朋友。」又說本想捧Angela的九展騷場,可惜沒有門票,大讚前女友很有音樂天分,戥她成功而高興。

堅拒復合

Angela又表示自從以「小背心」在網上自彈自唱後,吸納了不少男歌迷,其中更有網民向她示愛,指打算在九展的騷上衝上台表白,追查下原來該網民正是她的大學同學,她大讚對方:「佢幾好呀,又高大,個樣都OK㗎。」問她可接受同學的追求?她笑住說:「其實我都ready(再被人追),不過唔知佢係咪追我,因為嗰晚佢(同學)冇衝上台。」又謂因同事想見她的同學,故她會約對方出席其慶功宴。至於談及K.I.S.求復合,Angela坦言:「我聽佢講過,不過我想(呢段情)停一停先。」

Make up:Kandy L.

Hair:Veron Chan@Hair Corner

----------------------------

東網巨星開咗ig喇,大家快啲follow

https://goo.gl/KGuo2N


來源 source: http://hk.on.cc
鍾意就快D Share啦!