掃呢頁CODE去手機

2017年10月5日 星期四

梁浸浸唔跟阿媽黐工人  Yumiko苦笑:之後愈嚟愈好! [壹週刊 - 1439] __, 梁浸浸, 鄭希怡, M1, Yumiko,


梁浸浸拖住工人姐姐,開心扎扎跳,俾阿女冷落的Yumiko則勁無奈。探熱針梁浸浸唔跟阿媽黐工人 Yumiko苦笑:之後愈嚟愈好!12年Yumiko宣布嫁 ...





梁浸浸拖住工人姐姐,開心扎扎跳,俾阿女冷落的 Yumiko則勁無奈。

探熱針

梁浸浸唔跟阿媽黐工人  Yumiko苦笑:之後愈嚟愈好!

12年 Yumiko宣布嫁俾化妝師梁學儲( Andy),兩公婆原本冇生 B打算,但結婚唔夠一年,就意外誕下 B女梁浸浸。靠得意女帶挈,最近 Yumiko有份參與拍攝內地真人騷《不可思議的媽媽》。

第一次單獨湊女, Yumiko雞手鴨腳,仲俾阿女激到爆粗。

上星期, Yumiko一家三口從上海返港,梁浸浸全程當阿媽透明,淨係黐工人姐姐,搞到 Yumiko勁無癮話:「之後愈嚟愈好!」

出世嗰陣,因為呼吸系統問題引致肺積水,梁浸浸要送到 ICU留院兩星期,好彩最後平安無事。眨吓眼就兩歲半,天生一頭曲髮的梁浸浸,成日表情多多,古靈精怪,喺 Ig keep住人氣高企。




Yumiko幾次伸手想拖梁浸浸,點知阿女擰歪面,唔俾面!




Yumiko落力交戲,踎低幫阿女抹鼻涕。

梁浸浸主動溝仔

人仔細細,已經帶挈阿媽返內地拍真人騷搵錢。週日(一日),節目播出第二集,梁浸浸熱咗身,今集活躍得多。話說梁浸浸對一齊拍攝的混血孖仔特別有興趣,追住對方又擒又攬又錫,不過孖仔唔領情,仲俾梁浸浸嚇親,喊晒口搵阿媽投訴。見到個女咁熱情奔放, Yumiko一味尷尬笑。




對住隔籬房對孖仔,梁浸浸又攬又錫,嚇到對方喊住搵阿媽投訴。

失控爆粗鬧女

節目首播時,發住燒開工的梁浸浸不停扭計,最後 Yumiko要出動糖同朱古力,先氹得郁個女完成任務。節目去到中段, Yumiko一個唔留神,梁浸浸反身碌咗落牀,好彩有驚無險。

之後 Yumiko又嘗試幫阿女探熱,點知梁浸浸唔聽話,仲一手撥開,激到 Yumiko爆粗:「×!你咁曳嘅呢?」片段一播出,隨即俾網友鬧爆:「兩歲幾先第一次帶個女,平時肯定有工人跟出跟入,不知所謂。」、「兩歲半就俾手機佢玩,就知媽咪有幾失敗。」




第二集《不可思議的媽媽》中,梁浸浸發現唔見咗阿媽,喊住呆等,搞到 Yumiko勁心痛。

阿女黐工人

早前 Yumiko同埋節目中五個媽咪,包括蔣麗莎、何潔、葉一茜等,去上海出席發布會。開完工, Yumiko順便帶埋阿女同老公,返娘家探親。四日旅程,一家三口除咗兩大喼行李,梗係唔少得工人姐姐跟身。

回程當日,因為航班延誤,一行四人滯留上海機場近八粒鐘。落機時 Yumiko已經攰到無晒心機,相反梁浸浸就精力無限,仲扎扎跳。著白色裙仔的梁浸浸,一手攬住「 biebar」公仔,不停將公仔放入口,又對住鏡頭眼仔碌碌, cute到爆!




最後梁浸浸索性要工人抱,繼續唔理阿媽。




梁浸浸攬住最愛「 Biebar」公仔,搏命塞入口,好 cute!

聞爆粗黑面

現場所見,梁浸浸全程黐實工人姐姐,就算 Yumiko多次伸手想拖,阿女一樣唔領情。梁浸浸唔合作,搞到 Yumiko勁無癮,之後記者問到爆粗一事, Yumiko面色馬上變黑:「唔講喇!」行行吓, Yumiko嘗試再交戲,拎紙巾幫阿囡抹鼻涕,抹咗兩下,阿女又黐番住工人姐姐。慘食阿女檸檬, Yumiko惟有苦笑話:「之後愈嚟愈好㗎喇!」




上一集 Yumiko一唔留神,梁浸浸反身碌落床,事後 Yumiko被網友炮轟唔識湊女。




節目尾聲, Yumiko喊住承認自己唔夠耐性湊女。




上海返港後,一家三口馬上又出發去台灣放電,兩母女更在酒店泳池游水。

BB黐工人

湊 B當然要付出大量愛心同時間,圈中不少藝人因為工作時間忙,甚至乎假手於工人姐姐,搞到仔女黐工人唔黐媽咪。

洪欣

09年與細自己十年的張丹峰結婚,先後誕下一子一女, 15年洪欣自爆會呷個女醋,因為囡囡張晞彤鍾意黐工人多過自己,即使去完北京旅行,個女返到香港見番工人姐姐,即刻完全唔理媽咪,搞到洪欣好傷心。

楊千嬅

千嬅一有時間就會接送 Torres返學放學,早年,千嬅時間表排得密密麻麻,曾自言囝囝黐工人同奶奶多過黐佢,搞到千嬅成日想放假,抽更多時間湊仔,唔想錯過個仔讀書成長階段。

陳敏之

早年,陳敏之在社交平台貼文自認失戀,留言指阿仔黐兩個工人多過自己,已經好努力去親力親為陪小朋友,但阿仔都係撲去工人度。

撰文:娛樂組

攝影、攝錄:李溢敏、余一駱

鍾意就快D Share啦!