掃呢頁CODE去手機

2017年10月18日 星期三

【爆相爆片】YoYo為囡囡升小一頻撲 王浩信難抽空﹕嚟緊又要分開 __,王浩信,陳自瑤,YoYo,伍淑怡,

唔少香港家長都話要子女「贏在起跑線」,早前蘇永康就話要幫兩個半月大嘅囝囝Jazz花200萬入場費報讀playgroup,(相關新聞﹕http://bi ...


唔少香港家長都話要子女「贏在起跑線」,早前蘇永康就話要幫兩個半月大嘅囝囝Jazz花200萬入場費報讀playgroup,(相關新聞﹕http://bit.ly/2yrAKcX),係咪誇張見仁見智

最近人氣勁旺嘅王浩信,都有個5歲大嘅囡囡靖喬(QQ)準備明年升讀小一。但佢近年事業起飛,由去年嘅《EU超時任務》,到今年嘅《不懂撒嬌的女人》同《踩過界》都有不俗成績,成為新一代「師奶殺手」之餘,更被視為今屆視帝大熱。工作忙到冇停手,王浩信最近又要為新劇《兄弟》開工,連見老婆陳自瑤(YoYo)同個女嘅時間都冇,難怪屢傳婚姻亮起紅燈。

讀者Ricky前日透過《蘋果》爆相爆片,表示前日早上11點,喺土瓜灣嘅保良局林文燦英文小學門外遇見YoYo同囡囡,但老公王浩信就繼續唔見影。戴住黑超嘅YoYo拖住囡囡QQ,唔知係咪要一個人帶住個女四圍頻撲搵學校太辛苦,見佢全程個樣好嚴肅,冇乜笑容。而囡囡QQ就打扮成小公主,着住一條粉紅色裙,好醒神。讀者Ricky話﹕「見唔到王浩信呀,佢哋喺門口等咗15分鐘左右,全程冇乜笑。其實我都唔係第一次見到佢哋,幾個月前喺真道書院(將軍澳區)都見過,嗰次都係見唔王浩信。(好多人面試?)係㗎,所以機會唔係太大。」

上周王浩信同YoYo一齊出活動僻謠,都承認自己冷落嬌妻,仲自爆囡囡5歲大都未試過一家三口去旅行添。(相關新聞﹕http://bit.ly/2zg4GHZ)王浩信噚日回覆傳媒時承認要開工,所以都係由太太一個人帶囡囡去面試。但最開心係終於可以一家人去旅行,佢話﹕「啱啱同佢哋去咗個短程旅行,一有時間就陪返佢地多啲不過都希望其他讀者唔好偷影小朋友,唔想影響佢返學啊,唔該晒!亦多謝大家關心❤!嚟緊我要去星加坡又要去英國拍外景,又要分開好一段時間。」佢仲畀咗個好傷心嘅表情,睇嚟一家人相聚嘅時間真係好少好少......

YoYo一個人帶囡囡去考小一,老公王浩信就繼續忙開工。 (讀者Ricky提供) YoYo最近都繼續貼同囡囡嘅合照,但都係唔見王浩信。
YoYo得閒就會做運動,難怪生完囡囡都咁fit。(ig圖片) 王浩信同YoYo上周出活動搵錢,強調感情冇問題。(資料圖片) Vincent承認冷落妻女,全程笑容牽強。(資料圖片)

鍾意就快D Share啦!