掃呢頁CODE去手機

2017年10月16日 星期一

【圓潤咗喎】方媛產後首現身 城城見法王為囡囡祈福 __,方媛,郭富城,城城,

今年51歲郭富城,上個月公佈生咗6磅B女後,就變咗深閨爸爸,留喺屋企同老婆方媛(Moka)一齊湊女。之後,城城現身活動,提起囡囡不時咪咪嘴笑,做咗老竇 ...


今年51歲郭富城,上個月公佈生咗6磅B女後, 就變咗深閨爸爸,留喺屋企同老婆方媛(Moka)一齊湊女。之後,城城現身活動,提起囡囡不時咪咪嘴笑,做咗老竇心情勁靚嘅佢,仲多謝上天畀咗呢份珍貴禮物佢。(新聞連結:http://bit.ly/2kS3JmR )

至於為城城生完囡囡嘅Moka,出院後一直未有現身,就連平時有打理開嘅網店,亦有一段時間冇再update。直至上個禮拜五(13日),向來篤信密宗嘅城城,趁住薩迦赤津法王來港舉行開光同灌頂儀式,即帶埋啱啱坐完月嘅老婆Moka出席。噚日,網上流傳城城兩公婆參加儀式嘅短片,產後首次現身嘅Moka,比起未陀B前,身形面頰相對較圓潤飽滿,流露幸福神情。而以往出席活動都鍾意蠟行個頭嘅城城,當日髮型比較蓬鬆隨意。

同時,片中Moka不時好奇拎住手機影會場環境又影老公,反而城城就誠心雙手合十,表現虔誠。之後,兩公婆獲安排同薩迦赤津法王單獨見面,城城仲趁機為女兒祈福,求闔家平安。至於同城城同場嘅,仲有佢兩位老友邱淑貞同袁詠儀。

(宗薩蔣揚欽哲粉絲fb圖片) 城城對住鏡頭露出微笑,心情睇嚟唔錯。(宗薩蔣揚欽哲粉絲fb圖片) 城城同其他信眾誠心參拜,至於城嫂就拎住電話影相。(宗薩蔣揚欽哲粉絲fb圖片)
影環境。(宗薩蔣揚欽哲粉絲fb圖片) 仲影埋老公。(宗薩蔣揚欽哲粉絲fb圖片) 邱淑貞同袁詠儀都有嚟。(宗薩蔣揚欽哲粉絲fb圖片)

鍾意就快D Share啦!