掃呢頁CODE去手機

2017年10月30日 星期一

【狗仔出更】卓林孖女友坐街煲煙攬錫 認返屋企「拎嘢」 __,卓林,吳綺莉,吳卓林,

單親媽媽吳綺莉噚晚報警,話屋企唔見咗一批衫,同約值17萬嘅財物,當中包括兩隻約價值約7萬元嘅戒指、兩支約值10萬元嘅結他。由於單位冇被撬毀痕迹,警方暫 ...




單親媽媽吳綺莉噚晚報警,話屋企唔見咗一批衫,同約值17萬嘅財物,當中包括兩隻約價值約7萬元嘅戒指、兩支約值10萬元嘅結他。由於單位冇被撬毀痕迹,警方暫列作盜竊案,唔排除閉門失竊。而卓林今日下午約兩點,同加拿大籍網紅Andi離開北角寓所時,直認有返屋企「拎嘢」,唔明點解阿媽會報警。

卓林喺今個月初突然出櫃,宣佈「I'm gay.」(相關新聞﹕http://bit.ly/2gUy979)身為媽咪嘅吳綺莉雖然不停話「感恩」,但據悉佢一直接受唔到卓林嘅女友Andi,因為卓林放棄學業,打工賺錢養埋女友,吳綺莉則會每月支付數千元俾囡囡做生活費。

阿媽反對,但卓林卻愛得坦蕩蕩,早前已搬離與阿媽同住嘅跑馬地寓所,與Audi在北角同居。有千呎大屋唔住,卓林寧願與Audi同居200呎劏房,就知愛得有幾深。

大前日,記者發現卓林同Audi現身黃竹坑港鐵站,兩人懶理旁人目光,當街又攬又錫。當日下午4時許,卓林拖住女友喺黃竹坑港鐵站落車,向來係粉紅控嘅Audi今次換咗粉藍色,沿住工業區方向前行。期間兩人突然坐喺馬路邊,Audi拎咗一罐咖啡飲,而卓林就負責捲煙草,兩人一邊傾偈一邊嘆煙仔。食完一支煙,卓林先起身伸完個懶腰,跟住就拖女友起身。

之後,卓林同女友去咗一棟工業大廈內,約20分鐘後就離開,沿路返去港鐵站,卓林好有風度,先幫女友買車票。佢哋喺等候列車期間,情不自禁Kiss咗約10秒,之後Audi就熊抱式攬住卓林,非常恩愛。佢哋喺鰂魚涌站落車,沿路手拖住拖行返屋企。

更多娛聞,喺晒《娛果》

http://fb.com/appledailyent

卓林同女友Audi日日都好似糖黐豆一樣咁恩愛。 (採訪、攝影﹕朱志聰、徐錦池、孔志豪)



卓林同Audi突然坐係人來人往嘅馬路旁邊。

食完一支煙,佢哋就繼續往工廠區方向前行。


等車期間,卓林同Audi情不自禁錫錫,懶理身邊有人。 錫完就熊抱,攬到好實。


兩人一直手拖住手。 吳綺莉同卓林嘅關係,感覺越來越疏遠。(資料圖片)
吳綺莉報警後,今日外出購物,被大批記者追訪。(翁鈺輝攝)

鍾意就快D Share啦!