維護蔡思貝 認愧對老婆
王浩信堅稱冇分居「唔好影響小朋友」
現年34歲的新一代「師奶殺手」王浩信近日再傳婚姻亮紅燈，被指跟年長兩歲的老婆陳自瑤（YoYo）分居，王浩信被爆拍完無綫劇集《踩過界》仍約會26歲拍檔蔡思貝，甚至被爆獨處VIP房。王浩信昨現身活動時否認婚變和緋聞，但他直認沒時間陪太太，並謂希望「唔好影響小朋友」。
王浩信昨日眼腫腫出席活動，親口回應婚變傳聞。
王浩信2011年跟陳自瑤奉女成婚，男方婚前婚後緋聞都傳不停。他近日在無綫劇集《踩過界》中演「盲俠」討好，同時爆出他搭上拍檔蔡思貝，有指他甚至搬離與妻女同住的將軍澳日出康城，搬往維景灣畔與胞弟王瑋彤住，只偶爾返家陪囡囡王靖喬。
王浩信去年憑劇集《EU超時任務》彈起，緊接再拍《不懂撒嬌的女人》和《踩過界》，近日他再傳婚姻亮紅燈，有報道指他為保形象，暫無意離婚，而YoYo也沒經濟能力。據知，王浩信拍完《踩過界》仍主動約蔡思貝食飯敍舊，知情人士爆料一次劇組聚會，大家散得七七八八，王浩信和蔡思貝卻前後腳入了隔籬VIP房十多分鐘後才出來，其間沒人應門。有指王浩信喜愛夜蒲，孖兩人夫組「三劍俠」出動獵女。
王浩信和蔡思貝合作《踩過界》爆緋聞，他立即否認。劇照
王浩信戴上黑超，為現場一名女士敷面膜。
搵小學緊要
昨午2時許，王浩信到旺角出席活動，面對婚變傳聞更有備而來：「不如等我講先，勁無奈，好多朋友問我。其實上次都有同類新聞發生，我都回應咗，我同太太冇分居，鄰居都知道。我只希望大家畀啲空間我哋，唔好再影響小朋友，我哋完全冇事。」
講到跟蔡思貝被爆閉門打邊爐，王浩信說：「梗係冇啦，大佬，𠵱家點會咁做？冇理由咁傷害自己，完全冇啲咁嘅事。真係勁無奈，因為《踩過界》嗰邊都係成班人約出嚟，同埋監製、成班演員一齊睇成果，希望唔好將我哋一番心血蒙上污點。」他強調跟蔡思貝等幾位女角是拍檔：「唔好傷害到其他人。」至於「人夫三劍俠」，他回應：「我𠵱家冇朋友，時間都花喺個女身上，最重要係同太太幫個女搵小學。」
王浩信和陳自瑤對上一次合體現身，是去年大除夕出席倒數活動。資料圖片
王浩信直認工作太忙，沒時間陪伴妻女。資料圖片
有單獨食飯
問王浩信是否曾做過對不起YoYo的事？他斬釘截鐵說：「完全冇，唯一只係冇時間喺屋企陪佢，因為要工作。」他也否認分居：「真係冇搬走，有錢搬走都買咗樓先，希望大家畀啲空間我，唔好再搞我哋！」YoYo可有為傳聞不開心？王浩信答：「尷尬囉，都怕身邊人擔心。」兩人是否為追仔未達共識？他說：「我真係鍾意小朋友，大家都忙緊，都唔係啱嘅時候（生BB）。」對於常爆這類傳聞，他解釋：「我哋係少放合照，亦都少一齊出席公開活動，可能見到啲字眼就去揣測。」活動後，他坐車直接返回日出康城，證明沒分居。
記者昨致電YoYo，至截稿前未有回覆，但她日前在Ig貼相並留言：「請為自己而活。」至於被指介入兩人婚姻的蔡思貝，前晚向傳媒承認曾與王浩信單獨打邊爐。
採訪：羅慧敏
攝影：仇志德
陳自瑤日前在Ig貼相，留言要為自己而活。互聯網圖片
|
鍾意就快D Share啦！
|
|
|
