掃呢頁CODE去手機

2017年10月21日 星期六

郭富城冇面見人?方媛晒拖手相放閃 __,方媛,郭富城,

方媛深夜晒相放閃。天王郭富城太太方媛一向係社交網常客,不時都會甫吓靚相同網友分享吓近況,不過自從9月升呢做咗媽咪之後,專心湊女嘅佢可以話完全絕迹網上, ...


方媛深夜晒相放閃。


天王郭富城太太方媛一向係社交網常客,不時都會甫吓靚相同網友分享吓近況,不過自從9月升呢做咗媽咪之後,專心湊女嘅佢可以話完全絕迹網上,好多網民都話想佢快啲「復出」,睇吓佢嘅近況係點,繼早幾日前方媛坐完月「出關」發咗張單人相之後,凌晨時段方媛再發一張手拖手嘅相放閃滿足網友。

雖然相中嘅男士就擰轉咗面睇唔到樣,加上着住連帽嘅衞衣連頭髮都見唔到,不過從側面睇,呢位男士有胸肌同腹肌,加上拖實方媛隻手,睇怕呢位男士係郭富城都應該走唔甩,佢哋夜麻麻拖住手等過馬路似係去搵消夜食,唔少網民睇完都話雖然張相好簡單,不過就充滿幸福咁話。


來源 source: http://hk.on.cc
鍾意就快D Share啦!