掃呢頁CODE去手機

2017年10月22日 星期日

戥王浩信攞視帝開心 蔡思貝屈請食飯 __,蔡思貝,王浩信,

蔡思貝自爆會屈奪得視帝嘅王浩信請食飯。藝人蔡思貝早上到將軍澳出席健障人士慈善步行,昨晚她在新加坡出席《星和無綫電視大獎2017》後即趕搭夜機返港,其後 ...


蔡思貝自爆會屈奪得視帝嘅王浩信請食飯。


藝人蔡思貝早上到將軍澳出席健障人士慈善步行,昨晚她在新加坡出席《星和無綫電視大獎2017》後即趕搭夜機返港,其後急急準備出席活動,完全未有睡過,但她認為活動有意義,而且拍攝劇集《踩過界》後更了解有關傷殘人士的個案。

攞埋最佳劇集獎更完滿

講到《踩》劇在頒獎禮中狂掃獎,思貝表示非常開心五位主要演員都有獎,王浩信及李佳芯(Ali)勇奪視帝視后,張振朗得到男配角獎,而自己跟朱千雪各有角色獎,若能夠贏埋最佳劇集獎就更完滿,問到會否屈出爐視帝浩信請食飯?思貝笑說:「會屈佢㗎喇!但佢依家去咗英國拍劇,等佢返嚟大家一定要食番餐。」

常與張振朗傾心事

講到Ali被指爆冷擊敗一眾好戲前輩,思貝認為Ali是實至名歸:「好多人都讚Ali做戲好好睇,佢亦好用心做Never呢個角色,佢要演一個豪放女法官,其實佢平時好斯文,都要衝破好多底線。」而講到最感動一刻,思貝表示是振朗奪得男配角的時候,問有否笑振朗在台上喊到變豬頭?思貝說:「我喺台下都狂喊,好兄弟得獎喎!我覺得我哋有啲經歷好似,所以經常傾心事,佢得獎我係特別感觸,至於浩信第一次攞視帝,我哋都戥佢人生有新一頁好開心。」

望觀眾記得

問有否信心在無綫台慶頒獎禮再有獎拎?思貝說:「我最想《踩過界》攞多啲獎,大家唔好唔記得我哋呀!至於我自己就冇諗攞獎,但求盡力做好角色,呢啲冥冥之中有主宰,演戲之路係會有好多波折,我會堅持。」


來源 source: http://hk.on.cc
鍾意就快D Share啦!