掃呢頁CODE去手機

2017年10月5日 星期四

【狗仔出更】梁家輝放假帶老婆囡囡食好西 新造型真係認唔出? __,家輝,梁家輝,張家輝,

正所謂「民以食為天」,適逢近日係中國國慶加上中秋,星期一就有中國國慶翌日假期、星期四係中秋翌日假期,打公仔今個星多咗兩日假,相信除咗食月餅之外亦會四出 ...


正所謂「民以食為天」,適逢近日係中國國慶加上中秋,星期一就有中國國慶翌日假期、星期四係中秋翌日假期,打公仔今個星多咗兩日假,相信除咗食月餅之外亦會四出「食好西」,估唔到就連影帝都沒有例外!

日前公眾假期出晒名係愛妻號59歲嘅梁家輝偷得浮生平日閒,帶埋老婆江嘉年,同埋細女Nikkie,喺下午1點左右去到天后嘆魚旦粉,身為影帝嘅家輝哥非常低調戴上cap帽同太陽眼鏡,店內嘅食客似乎未意思到有位影帝一齊食嘢,一行三人邊食邊傾,食咗一陣佢哋齊齊離開,囡囡同媽媽齊齊行先,身為一家之主嘅家輝哥就負責埋單。

雖然家輝哥離開時店外有唔少食人等候,不過家輝哥最近拍緊麥浚龍(Juno)導演的警匪四部曲電影《風林火山》,新造型留有鬍鬚兼長孿髮,似乎唔係個個認得,途人都係報以懷疑目光掂行掂過,而最後家輝哥揸車同老婆及細女一齊離開。

攝影:畢紹基、徐錦池 日前梁家輝帶埋老婆江嘉年,同埋細女Nikkie去到天后嘆魚旦粉。 食飽飽江嘉年同Nikkie一齊行先。




等埋梁家輝 一齊上車。
梁家輝為拍《風林火山》嘅新造型。 不過呢個新造型大家似乎唔係好認得。

鍾意就快D Share啦!