掃呢頁CODE去手機

2017年10月31日 星期二

摑到黃智賢紅晒 王君馨失控爆喊 __,君馨,黃智賢,王君馨,

黃智賢擁着王君馨安慰,但她依然喊到收唔到聲。
摑到黃智賢紅晒王君馨失控爆喊藝人王君馨日前拍攝一場怒摑黃智賢的戲,練過手球的她勁度十足,黃智賢硬食4巴後左邊面又紅又腫,卻要反過來安慰喊到失控的君馨! ...


摑到黃智賢紅晒 王君馨失控爆喊

藝人王君馨日前拍攝一場怒摑黃智賢的戲,練過手球的她勁度十足,黃智賢硬食4巴後左邊面又紅又腫,卻要反過來安慰喊到失控的君馨!

藝人王君馨與黃智賢(Ben)日前為無綫新劇《是咁的,法官閣下》拍外景,二人在劇中是一對離婚夫妻,劇情講述Ben帶君馨上山攤牌,講盡傷透對方心的說話,抵受不了真相的君馨爆喊之餘,更用力兜巴星再推開他!

為了取得不同角度,二人拍足4次,Ben慘食君馨4巴掌,最後一Take更被摑到面都紅晒。而君馨則太入戲,即使導演嗌Cut仍喊到收唔到聲,要Ben反過來安慰她,其後抹乾眼淚才能拍攝下一個Take!

「想一腳踢佢落山」

二人埋位前接受訪問,君馨笑言讀書時練過手球,所以可以摑得對方好準、好用力,即時嚇親Ben,君馨說:「套劇講我同Ben離咗婚,但個心一路有條刺,今日嚟攤牌,佢講盡傷我心嘅說話,我睇完劇本唔止想摑佢,仲想一腳踢佢落山!」更自爆近日為保持情緒,返到家中亦不敢與老公太Sweet。

王君馨
  • 王君馨
王君馨摑到黃智賢面都歪埋,半邊面紅卜卜。
  • 王君馨摑到黃智賢面都歪埋,半邊面紅卜卜。
黃智賢
  • 黃智賢
王君馨埋位前勁風騷,更笑言要踢黃智賢落山。
  • 王君馨埋位前勁風騷,更笑言要踢黃智賢落山。

Ben則笑言不介意君馨踢他落山,不過一定要確保可以將他拉起,二人又即場試力,君馨打到Ben的手掌啪啪聲,更預告不可能一Take過,至少會摑幾巴,但Ben表示不介意,因為在劇中欠了她。

文:影視組




鍾意就快D Share啦!