掃呢頁CODE去手機

2017年10月19日 星期四

高調晒囡囡同台相 王浩信:謝謝攝影師陳自瑤 __,王浩信,陳自瑤,

高調晒囡囡同台相王浩信:謝謝攝影師陳自瑤娛樂要聞沒陪囡囡面試的新聞曝光後,王浩信昨日下午急急在社交網貼父女合照撲火,更特別tag老婆YoYo:「第一次 ...




高調晒囡囡同台相

王浩信:謝謝攝影師陳自瑤

娛樂要聞








沒陪囡囡面試的新聞曝光後,王浩信昨日下午急急在社交網貼父女合照撲火,更特別tag老婆YoYo:「第一次一起上台的感覺好奇妙!謝謝攝影師 @chenchiyiu。」





王浩信指女兒首次看他表演,令他很感動。互聯網圖片

冇時間陪家人

昨午王浩信到尖沙嘴出席《香港討論區》頒獎禮,獲「網絡至強人氣視帝獎」的他說:「多謝網民,對我嚟講係寶物,因為呢一年keep住冇休息,呢個係好好回報。」問到是否犧牲了陪屋企人時間?他坦言:「係啦,盡量去彌補。」對於被影到囡囡面試小一失蹤,王浩信解釋:「嗰日我要開工,second in一定要父母在場,所以監製落order我都要推。」問到囡囡有否不開心?他說:「佢理解嘅,知道我要返工,拍親劇就不見天日。」問到拍劇入屋對囡囡考學校有否幫助?王浩信表示:「唔會㗎,學校好公平同均真,囡囡都做得好好,返嚟同我分享考啲乜嘢題目。」

至於在社交網貼父女相,王浩信是否想平反不負責任爸爸形象?他否認:「唔係,因為比較難忘,一時感觸想放上網同大家分享。嗰日喺郵輪有表演,佢第一次睇我演出,所以綵排時帶埋佢上台畀佢感受吓,因為我哋兩夫婦都係呢行出身,覺得佢都有遺傳呢個DNA,佢仲問點解唔唱兒歌。」

採訪:嵐山、羅慧敏

攝影:沈健程



王浩信昨日急急在Ig晒父女合照撲火,似證明自己不是不負責任的爸爸。




鍾意就快D Share啦!