掃呢頁CODE去手機

2017年10月11日 星期三

頻傳分居兩公婆一鋪過解釋 陳自瑤指王浩信惹是非 __,王浩信,陳自瑤,

頻傳分居兩公婆一鋪過解釋陳自瑤指王浩信惹是非娛樂要聞王浩信和陳自瑤(YoYo)結婚6年,最近不斷傳婚變,傳王浩信暗撻蔡思貝,又指二人已分居,縱使王浩信 ...




頻傳分居兩公婆一鋪過解釋

陳自瑤指王浩信惹是非

娛樂要聞








王浩信和陳自瑤(YoYo)結婚6年,最近不斷傳婚變,傳王浩信暗撻蔡思貝,又指二人已分居,縱使王浩信多次否認,傳聞仍然越炒越熱。昨日兩公婆合體現身,夥拍陳敏之母子出席天水圍一個廣場活動。雖然密斟、蹺手、攬腰做到足,又一唱一和強調夫妻關係不變,惟王浩信全程笑容牽強,YoYo則表示絕對信任老公,指他人紅惹是非。



陳自瑤昨日蹺着老公王浩信合體出席活動,為近日的婚變傳聞解畫。

王浩信與YoYo最近被傳已分居,昨日二人出席天水圍一個廣場活動,是婚變傳聞後首度合體現身,二人舉手投足皆成為傳媒焦點。王浩信穿上整齊西裝,襯老婆的鮮紅色露肩短裙,上台時,YoYo伸手蹺老公,王浩信一度用手輕托老婆纖腰,YoYo全程面帶笑容,但王浩信笑容明顯牽強。

王浩信近年事業起飛,但緋聞不絕於耳,早前傳他暗撻合作拍劇集的蔡思貝,約對方閉門打邊爐,又駕車直闖蔡思貝的香閨。YoYo昨日在老公陪同下,首度開腔回應:「其實好耐之前,佢可能有事嗰次,我已經講過我哋冇事,我哋好好。」對於傳聞未停過,YoYo說:「咁可能佢呢排多劇,即係……呀,人紅自然是非多」王浩信續謂:「主要係我哋好少一齊post,之後就多啲揣測。」





陳自瑤出現時笑得比較自然,反而王浩信笑容牽強。



玩遊戲時,陳自瑤(中)落力扮推王浩信去「滾」球。

忙女兒考小學

YoYo續說:「其實佢一直都好好,我呢排要忙屋企嘅嘢,小朋友今年要考小學,𠵱家係面試高𥧌期,有太多嘢要準備,要睇好多資料、報名,呢段時間我專注咗呢樣嘢。佢話『唔緊要,呢啲新聞等我去回應啦,你唔使煩,可以專心去做自己嘢』。」王浩信則表示:「呢段時間我哋真係忙緊小朋友學業,咁佢係好辛苦,每日大量資料要處理。」

有傳王浩信冷落老婆,YoYo即力挺老公說:「佢自己都有話佢冷落我㗎,佢有時間會盡量陪我囉!」王浩信即說為搵食沒辦法。至於會否質問老公緋聞? YoYo笑笑口說:「唔需要質問,對老公梗係絕對信任」



王浩信抱起陳敏之(左)的囝囝,被敏之踢爆恨生仔。



王浩信被指暗撻蔡思貝,日前輕攬女方闢謠。資料圖片

想一家去旅行

王浩信又謂一家三口未試過去旅行,他說:「梗係想,暑期已經想,但我都安排緊,除太太外,我更想同囡囡去旅行,佢咁大個女都未試過一家三口去旅行,但旅行要十日八日,暫時工作上安排唔到,希望完咗今年工作先,佢都明白我係一個事業心較重嘅人。」

兩公婆昨日受訪全程一唱一和,YoYo說理解老公工作太忙,王浩信即向太太講thank you,有傳二人出街零交流,王浩信無奈說:「戴咗面罩都見到黑面?其實黑眼圈喺我度呀!噚晚收28、29,其實畀啲空間我哋啦。」

YoYo再補充:「我哋有交流,俾人寫到冇箒。」她又澄清不想生仔傳聞:「之前好多新聞話我哋唔想生小朋友,因為關係變差,其實我從來冇講過唔生,每次訪問都係話隨緣,因為佢實在太忙,忙到根本冇時間。」

採訪:馬建華

攝影:葉君海




鍾意就快D Share啦!