掃呢頁CODE去手機

2017年10月4日 星期三

經歷血洗賭城前所未有咁驚 古巨基親述逃亡六小時 __,古巨基,

經歷血洗賭城前所未有咁驚古巨基親述逃亡六小時娛樂要聞古巨基日前在美國完成三藩市巡唱後,與太太Lorraine到賭城拉斯維加斯補祝結婚3周年紀念。當地時 ...




經歷血洗賭城前所未有咁驚

古巨基親述逃亡六小時

娛樂要聞








古巨基日前在美國完成三藩市巡唱後,與太太Lorraine到賭城拉斯維加斯補祝結婚3周年紀念。當地時間大前晚約10時發生美國歷來最嚴重槍擊案,事發時基仔正與太太往事發地點方向行去,他昨受訪時形容情況混亂,有人在念經,生死一刻,他在賭枱下抱着嚇到眼濕濕的太太,經歷6小時驚嚇!而早年移居賭城的前港姐楊寶玲第一時間捐錢捐血,發揮互助精神。



古巨基指槍擊案發生時,他正在附近,經歷了6小時驚嚇,他直言好慌好亂。資料圖片

古巨基於14年與經理人兼女朋友Lorraine在美國賭城註冊結婚,今年基仔完成巡迴演唱會三藩市站後,日前到賭城度假兼補祝結婚周年,剛好撞着美國歷來最嚴重的槍擊案,造成59死及500多人傷。

事發於當地時間大前晚10時許,槍擊發生時基仔跟太太正往下榻酒店行去,他昨接受電話訪問時說:「事發時我哋喺Bellagio酒店裏面,因為當地嘅酒店係互通,我哋返緊去自己住嘅Cosmo酒店,方向其實係去緊發生槍擊案嘅方向,突然酒店門外好多人衝晒入嚟,所有人好慌亂,一仆一碌,大叫『shooting shooting』,我哋即刻捐喺賭枱嘅枱底,我同太太同兩個朋友匿埋,我哋唔知道發生乜嘢事,唔知係出面定酒店裏面發生事。」





基仔日前完成巡迴演唱會的三藩市站。微博圖片



基仔與太太Lorraine三年前在賭城註冊,今次是返當地慶祝。資料圖片

老婆驚到眼濕濕

經歷了生死一刻,基仔慶幸與太太在一起,在賭枱底下根本甚麼都不能做:「古太驚到眼濕濕,我喺隔籬攬住佢,唔知可以做乜嘢,見步行步,一種好難以預測感覺,好不安。」

混亂一輪後,基仔兩公婆與同行友人匿在後樓梯,在他們附近有一家韓國人,基仔續說:「我哋見韓國家庭嘅爸爸喺度念緊經,我哋所有人都好驚同恐慌,唔知道隔住一道門嘅出面發生乜嘢事。」

後來酒店重開電梯,所有住客可以上樓,基仔跟了韓國人上樓在走廊等。基仔表示體驗到守望相助的精神,有一對外國夫婦替基仔等即將沒電的手機充電,又提供被和枕頭。回憶當時心情,基仔表示:「未試過呢種恐慌感,後來所有酒店解封,我哋被安排到一個出口,可以步行返住嘅酒店。喺戶外行15分鐘,個心都係好驚,好緊張。我哋住嘅酒店,相距事發酒店大概3間酒店距離,而且已經過咗5、6小時,我哋見到部份嘅人因為酒店解封,所以街上都有人。」基仔慶幸事發時跟太太一起,可以互相照應。

楊寶玲捐錢捐血

另外,早年移居賭城的前港姐楊寶玲昨日接受奇妙娛樂台的電話訪問時,透露事發時在距離10分鐘路程的餐廳跟家人晚膳。她已第一時間捐錢幫忙,本來還想捐血救人,但已有太多熱心市民湧往捐血站輪候,所以她改為網上預約。楊寶玲表示槍擊案雖然令人難過,但亦看到市民互相幫忙的人性光輝。

採訪:皓騫



楊寶玲早年跟丈夫移居賭城,事發時剛好在附近晚膳。




鍾意就快D Share啦!