掃呢頁CODE去手機

2017年10月22日 星期日

【女神封盤?】冰島拖手睇日落 黃心美公開戀情 __,女神,黃心美,

現年35歲嘅黃心美(Scarlett),同台灣老公Thomas拍拖五年半,結婚四年半,可惜聚少離多,最後離婚收場。之後,心美BB一度同保釣烈士陳毓祥囝 ...


現年35歲嘅黃心美(Scarlett),同台灣老公Thomas拍拖五年半,結婚四年半,可惜聚少離多,最後離婚收場。

之後,心美BB一度同保釣烈士陳毓祥囝囝、ViuTV藝人陳安立(Brian)傳緋聞,男方仲讚女方係女神。( 新聞連結:http://bit.ly/2sV42At )。早排又俾人見到佢同四眼男撐枱腳食意大利餐,異性緣勁旺。不過心美BB當時就否認自己拍拖,仲話以自己咁直率性格,有好消息會話畀大家聽。(新聞連結:http://bit.ly/2yEJFaP )

嗱嗱嗱!噚日心美BB終於找數啦,啱啱去咗冰島旅行嘅佢,喺IG就貼咗張同個男仔拖住手睇日落嘅相,浪漫到一個點,不過心美BB就冇開估俾大家知,名花有主個主係邊個,究竟心美BB呢位新歡係陳安立、四眼男,抑或另有其人,就要等心美BB返嚟解話

陳安立今日被問到係咪同黃心美外遊拖手,佢就話:「no la hahahaha, 我人在香港,今日仲拍緊viuTV 節目,有不在場證據。雖然高度相若,但睇背影應該大隻過我。」

陳安立又爆之前都知知哋心美係有拍拖,最近佢春風滿面,甜到漏:「我一直當佢家姐,所以都為佢好開心呀!佢成日努力搵錢,終於肯放下假,同另一半遊世界咪幾好咯!」



忽然貼出拖手相,心美BB似乎想趁機公開戀情。(黃心美IG圖片) IG最初一直得自己一個嘅單人照。(黃心美IG圖片)
日前喺IG貼喺機場準備出發嘅相。(黃心美IG圖片) 離婚後嘅黃心美,似乎更有市場。(資料圖片) 同陳安立放狗而傳出緋聞,不過陳否認係相中人。(資料圖片)
又同四眼男撐枱腳。(資料圖片)

鍾意就快D Share啦!