掃呢頁CODE去手機

2017年10月18日 星期三

Ben Sir魏焌皓奀茄變配角 網民激讚好戲 __,魏焌皓,

「黑警BenSir」大家未必噏得出佢個名,但一定記得佢!《使徒行者2》就嚟大結局,雖然今輯嘅班底同《使徒行者》好唔同,但係依然相當有睇頭,當中仲有捱足 ...


「黑警Ben Sir」大家未必噏得出佢個名,但一定記得佢!


《使徒行者2》就嚟大結局,雖然今輯嘅班底同《使徒行者》好唔同,但係依然相當有睇頭,當中仲有捱足多年嘅演員,終於都有唔少演技發揮空間,講緊嘅就係一直做開閒角嘅「黑警Ben Sir」魏焌皓!

魏焌皓飾演苗僑偉徒弟,外形官仔骨骨非常正氣但係突然變節,又要喜怒不形於色!一方面深愛女友「Cherry」麥明詩,另一方面就擺脫唔到「黑警」嘅枷鎖,被「Madam Cheung」蔣祖曼玩弄於鼓掌之間,要表現嗰種搞到人唔似人鬼唔似鬼嘅無奈!而佢同Cherry嘅一段情更加係演技嘅大爆發,佢忍痛親手殺死Cherry後,有場戲佢去燒咗張合照,回憶起以前一點一滴,慢慢蘊釀情緒到一發不可收捨,由強忍淚水到一滴眼淚,再喊到成行鼻涕流出嚟,加埋嗰句「太遲喇!!!」真係睇到觀眾心到酸埋,唔少網民都留言大讚佢好好戲話睇到好心痛,仲話:「喊足成晚,我媽仲以為我甩咗拖添!」有網民亦睇好佢:「終於不是閒角,希望有一天看到你攞男配角,加油!」

而今晚仲係重點之一,Ben Sir雖然諗住重歸正途唔做黑警,但係最後竟然為咗報仇死喺自己手上,睇嚟大家又要準備紙巾喇!


來源 source: http://hk.on.cc
鍾意就快D Share啦!