探熱針
王浩信緋聞 2號 36E咪神陳偉琪出股嗲大隻健身男
同人夫王浩信傳出緋聞，有 36E的大台爆乳咪神陳偉琪，之前拍旅遊節目《 3日 2夜》，加送「睇肉世界」，已令一眾宅男享受福利。
最近男伴又換畫，轉口味同大隻健身男 Billy Tam，她更充分發揮「睇肉精神」，背心熱褲，跌出兩團股肉，咪神、籮霸集於一身！難怪呢位性感尤物，搞到對手黃宗澤、緋聞人夫㷫烚烚！
加辣誘男友
在處境劇《八時入席》飾演大台姐仔 CoCo的陳偉琪，因為一副神 cup身材，令唔少宅男對她無限遐想，宅男以外就連人夫王浩信，都同佢扯上關係。
不過最近咪神的男伴又換人，日前她陪健身大隻男 Billy Tam行街，任何時候都一副戰鬥格的她，除例牌事業線，下半身都具爆炸力。一條熱短褲，「肉蒲臀」上街遊行。外殼已經夠 hot，陳偉琪再加辣，行行吓超市一個胸壓熊抱男友，要連體嬰咁入貨。又辣又嗲，做男友點會唔受落。食埋晚飯，男友便駕車載住她返天后私竇繼續纏綿。
玩健身撻着
「 Vicky一入行，佢副身材，大台班男人好多吼住佢，佢同 Billy（男友）搞埋唔係好耐， Billy係英國回流返嚟嘅健身教練，同 Vicky（陳偉琪）都係「鬼聲鬼氣」，比起大台嗰班啱嘴型啲！ Vicky搵佢做私人教練，就係咁單對單上堂，操吓操吓就撻着。」知情者說。
除剩胸墊對黃宗澤
一一年奪溫哥華華裔小姐亞軍的陳偉琪，一三年回流後即參選港姐，不過面對同屆的陳凱琳、蔡思貝及劉佩玥等多位大熱，有 E cup都頂唔住要落選。之後被大台安排的節目或劇集，都以身材為號召。早前她與黃宗澤拍《溏心 3》，其中一幕肉搏場面，因黐膠紙會穿崩，最後陳偉琪索性脫剩「缽仔糕」（隱形胸墊）上陣，呢位大台新咪神，好搏！
跟蔡思貝同屆的落選港姐陳偉琪，入行後常被大台安排三點式上陣拍節目，鋪鋪猶如「睇肉世界」。
撰文、攝影、攝錄：娛樂組
來源 source: http://hk.next.nextmedia.com
|
鍾意就快D Share啦！
|
|
|
