掃呢頁CODE去手機

2017年10月12日 星期四

稱職人妻 買餸攞西裝 王君馨服侍老公 [壹週刊 - 1440] __,君馨,王君馨,M1,

升呢做「人妻」,Grace一得閒就打理家頭細務,好賢淑!同你吟一吟稱職人妻 買餸攞西裝 王君馨服侍老公今年七月,王君馨嫁咗俾初戀男友Daniel,男方 ...






升呢做「人妻」, Grace一得閒就打理家頭細務,好賢淑!

同你吟一吟

稱職人妻 買餸攞西裝 王君馨服侍老公

今年七月,王君馨嫁咗俾初戀男友 Daniel,男方為咗佢,連銀行家都唔做,由約紐移居香港,兩人婚後喺將軍澳租屋住。早排難得唔使開工嘅 Grace盡老婆責任,落街買餸兼幫老公攞西裝。





憑一套《城寨英雄》爆出,飾演「花曼」的 Grace未做師奶前,條 22吋腰弗到漏!

升咗呢做師奶, Grace明顯有少少發福。呢日著住一身街坊裝,去屋企附近超市入貨,見佢買齊蘑菇、洋葱、牛扒,似乎準備煮西餐。執齊嘢, Grace走去排隊俾錢,點知勁長龍,之後轉軚去咗「自助售貨機」,搞足十五分鐘,終於走得。

臨走時 Grace途經洗衣店,幫老公攞埋啱啱洗好嘅西裝,仲同鋪頭老闆有講有笑,睇黎 Grace呢位「新任人妻」都算稱職!







早前 Grace單拖逛超市買餸,準備煮飯仔。





臨走時, Grace經過洗衣店,仲幫老公拎埋洗完嘅西裝返歸。





超市排長龍, Grace等到冇晒心機。





對住「自動售貨樓」, Grace雞手鴨腳,搞咗一大輪先成功俾錢。





Grace同初戀男友 Daniel結婚三個月,男方更為她放棄事業,移居香港。

撰文:八珍

攝影、攝錄:娛樂組


鍾意就快D Share啦!