掃呢頁CODE去手機

2017年10月12日 星期四

多女埋身個底花 失婚婦科醫生入廚餵飽阿嬌 [壹週刊 - 1440] __,阿嬌,鍾欣潼,M1,

探熱針多女埋身個底花 失婚婦科醫生入廚餵飽阿嬌36歲鍾欣潼(阿嬌)與32歲台灣「醫界王陽明」賴弘國撻着一個月,日前男方追到來港,在嬌家禁室培慾。其實失 ...






探熱針

多女埋身個底花 失婚婦科醫生入廚餵飽阿嬌

36歲鍾欣潼(阿嬌)與 32歲台灣「醫界王陽明」賴弘國撻着一個月,日前男方追到來港,在嬌家禁室培慾。其實失婚賴弘國向來多女埋身,但憑着型肌男 look,加上一手好廚藝,以愛心牛扒輕易追掂阿嬌。

愛心牛扒冧女

阿嬌在台拍網劇,與當地的婦科醫生賴弘國火速撻着,日前男友追到來港,阿嬌亦坦白認愛,表示賴弘國對她超好,對他很有信心,希望這段感情能夠開花結果。

「 Michael(賴弘國)係蕭亞軒前百億男友 Elroy嘅老友,以前佢哋成日一齊夜蒲。 Michael好多女埋身,加上佢好有心思,會入廚煎愛心牛扒同女友撐枱腳,又會買晒嘢同女友喺屋企食火鍋,有啲 family man feel,冧死女!阿嬌煮嘢唔叻, Michael會為佢入廚,梗係加晒分」知情人說。





型男醫生賴弘國最叻煎牛扒冧阿嬌。





賴弘國有時會 BBQ或愛心火鍋同女友撐枱腳。

結婚半年玩完

表面是完美情人,其實賴弘國個底甚花,之前跟黑澀會成員陳瑋萱論及婚嫁,最後卻因不喜歡她做幕前而分手。之後無縫交接,即搭上「華航林依晨」 Ivy,可惜結婚半年,去年十月玩完。今次公開跟阿嬌姊弟戀後,又被揭跟 G Cup索女頭貼頭合照,女方更形容「半年見一次老公」。希望他真的修心養性,唔會 hurt阿嬌





愛騷肌

雖然是婦科醫生,賴弘國卻絕非文弱書生,一身肌肉夠煞食。





家居照都忍唔住要露肉。





賴弘國(左)有「醫界王陽明」之稱,最近更同正版王陽明一同拍預防乳癌公益廣告。

好識「食」

賴弘國不但多女埋身,他的舊愛和前妻都是靚女,果然識食。





同黑澀會成員陳瑋萱拍拖多年,差點談婚論嫁。





前妻 Ivy有「華航林依晨」之稱,最愛放閃,甚至放床照上網,更因此令賴弘國成網絡紅人。





最近被揭與 G Cup索女親密合照,女方更形容「半年見一次老公」,但賴弘國強調對方「只是崇拜他的學妹」。

撰文、攝影、攝錄:娛樂組


鍾意就快D Share啦!