依家都仲可以早一個鐘起身同囡囡玩，遲吓忙啲可能仲少時間啵。
榮升人母後初次出席音樂頒獎禮攞獎的吳若希（Jinny），於《IFPI香港唱片銷量大獎2016》憑《眼淚的秘密》唱片奪得「十大銷量廣東唱片」，提到因她的音樂作品暫時停產，所以亦可能是今年音樂上最後的一個獎？Jinny即謂：「唔係，會keep住工作，今個星期五就會錄新歌，趕得切喺今年出歌。」講到出歌便要宣傳，老闆可有叫她暫時不要再生BB？她笑言：「公司又冇咁嘅規限，而且我都唔會咁快再生，醫生都叫唔好咁快，我係ready好產後復出。」問到專注工作會否不捨得家中的寶貝女？Jinny稱：「會呀！所以臨出去工作前，會早一個鐘起身同個女玩，佢依家4個月大，識自己轉身。」
隨時榮升馬主
提到她和男友Alex在馬場有份拉頭馬一事，Jinny稱：「贏咗五位數字，其實都唔關我事㗎，我都係沾一沾朋友啲旺氣。」男友Alex可打算當馬主？Jinny反而透露自己有機會榮升馬主：「希望之後有消息公布我對馬都有興趣，但就唔熟，都要交畀專業人士去搞。」原來Jinny與幾名圈外太太在年初時成立了一個慈善機構名為「愛馬女士協會」，現正申請抽馬：「呢個會有7個人創辦，我就係呢個會嘅總理，都要夾錢，都係做善事，11月會同澳門一間孤兒院搞活動，自己親自統籌，所以都有啲緊張。」
來源 source: http://hk.on.cc
|
鍾意就快D Share啦！
|
|
|
