掃呢頁CODE去手機

2017年9月14日 星期四

借醉向佘詩曼示愛 動 L戴耀明內地做男一 呢個回憶要鎖喺夾萬 [壹週刊 - 1436] __,戴耀明,佘詩曼,M1,

戴耀明膽粗粗向阿佘表白,就算明知綠葉追女一機會渺茫,嘗試爭取已不枉此生。探熱針借醉向佘詩曼示愛 動L戴耀明內地做男一 呢個回憶要鎖喺夾萬去年在《EU超 ...






戴耀明膽粗粗向阿佘表白,就算明知綠葉追女一機會渺茫,嘗試爭取已不枉此生。

探熱針

借醉向佘詩曼示愛 動 L戴耀明內地做男一 呢個回憶要鎖喺夾萬

去年在《 EU超時任務》一幕離奇「動 L」,令網民 like爆的大台綠葉王戴耀明,入行捱了廿五年,今年初終於在內地網大電影做男一,初嘗有助手,有專車服侍,人前人後被尊稱「老師」的滋味。

綠葉變男一,戴耀明亦曾經越級挑戰,借醉向女神佘詩曼示愛。工作愛情都一樣,肯搏,就有機會上!

男一之作國內版阿旺

一個流水作業式的電視台,綠葉可能一世都只是綠葉。近年內地網大興起,成為香港一眾綠葉演員的曙光。一直在大台穩守配角的戴耀明,等了廿五年,今年終於等到,成為愛奇藝網絡電影《爆裂老婆三歲夫》的男主角,不枉在大台磨利「御用傻仔」的一張刀。

被選中做男一,當日戴耀明既驚且喜同時,亦不禁第一時間問對方:「點解揀我?」

「佢哋都好坦白,話套戲成本唔係高,所以要搵一個大家稍為認得吓,有歸屬感嘅演員做男一。個角色似郭晉安嘅《阿旺》,當然我有信心,唔會做得差過安仔。」





去年在大台劇《 EU》一幕對住譚凱琪「動 L」的畫面,令戴耀明成為網民話題及 like爆的配角。





被稱為大台「御用傻仔」的他,憑呢個強項彈出,當日他特意以學生打扮做訪問,想表達:「演員不是老師,是學生,終身學習。」





他當男一的內地網絡電影《爆裂老婆三歲夫》,是阿旺的強國版。

向阿佘示愛:「我好掛住你!」

還了當男一心願, 45歲的戴耀明,說自己尚有另一個一世無法達成的夢想。「我成日同阿佘講,我搵到錢會娶你做老婆。」

戴耀明表面說笑,實質他認真行動。二人在 04年《金枝慾孽》結緣成為好友,從此「小禮子」戴耀明暗戀「主子」阿佘。追求兩字對他而言雖是「希望工程」,但某年仍膽粗粗,抱住失敗是正常,成功屬 bonus的心態,決定一次越級挑戰,借醉向阿佘示愛。

「佢係女一,邊敢溝佢。不過有次飲醉咗少少,咪 send個 WhatsApp同佢講,我好掛住佢。佢回覆嘅反應係:『吓!我依家喺內地開緊工,你搞緊咩呀?』之後我有同佢 say sorry。佢請我食檸檬係正常啦,不過一次半次表白吓,唔會反面嘅。」

咁又係,自古成功需嘗試,唔試又點知有冇奇跡發生。「追唔到佢,不過都希望將來可以有套劇同佢合作,戲裡佢錫吓我面豬,有啲 sweet畫面,俾我留為紀念。」





這張相片,是應戴耀明要求設計,連阿佘的單人相,都由他挑選。





表白失敗,但無損兩人好友關係。

女友貧富懸殊

其實戴耀明有個拍拖五年的女友,年初才分手。開始時又是一場越級挑戰,女友家境有米,手持多個工廈豪宅。他只是月薪萬多元的大台綠葉,為生計,有段日子身兼地產經紀及開過酒吧。冇樓冇婚期,貧富懸殊的戀情最終無法修成正果。

廿五年首獲尊重

當男一,終圓心願,哪管是蚊型製作,至少感受到前所未有的尊重。「我一落機,就聽到接機嘅人稱呼我做戴老師,第一次聽到人家咁叫我,當時仲心諗:『我不是來做老師!』,後來才知係國內對有資歷嘅演員,一個尊重嘅稱呼。拍攝時又助手又保母咁安排晒俾你,係我演藝生涯第一次嘗到嘅配套,無論之後仲有冇機會,抑或得呢一鋪,你見到自己將電影海報,呢個回憶真係要鎖喺夾萬。以往年年生日,啲 friend都祝我快啲做男一,終於達成。」訪問當日,戴耀明著住校服應約,他說想帶出一個訊息:雖被稱呼做老師,但演員是終身學習。





92年入行,先入亞視,後過無綫,當年的他,其實幾有男一相。





他最感激是已退休的監製李添勝。「佢唔需要人擦佢鞋,連我想請佢食個碟頭飯佢都唔接受。添哥只係一句:『你啱我就用。』,多謝佢肯用我。」

俾林保怡批中

在大台做了廿五年綠葉,說意志沒被磨滅就騙人!直至林保怡一番話,戴耀明又有動力。「初入訓練班時,係諗住可以做男一,個個都雄心壯志,覺得自己唔係劉華,就係發哥㗎但自己又冇搵盆水照吓鏡,哈哈,之後冇再妄想。十幾年前,有日林保怡同我講:『小明,你呢啲唔係男一樣,但你個樣,遇上套劇需要呢啲特質時,你就有機會做主角。』我就似廖偉雄嗰類咁,當刻聽完係俾到啲希望,不過第二日瞓醒就冇再諗。依家見到黃光亮返入電視台變咗男一,又俾番啲希望我。」





當年被林保怡「批中」,有機會做另類男一,今日應驗。





在亞視出身,拍了套重頭劇《李小龍》,以為有回響,他說:「諗住有人識,戴埋黑超出街,點知套劇冇乜人睇,再留喺度都冇癮。」





離開亞視後,他報名參加新秀,選唱黃翊的《哭著笑》落敗,同屆冠軍是張崇基張崇德。





與韋家雄是亞視訓練班同學,廿五年的友情。他說最開心係前年見到韋家雄靠自己實力贏「最佳男配角」。





獨子戴耀明為了母親,放棄長駐內地搵食。「因為阿媽年紀大,想多啲陪佢,所以寧願賺一蚊,唔賺兩蚊。」





做咗男主角,注意外形,戴耀明狂操谷肌。





拍另一部國內網絡電影《明朝刺客》,是第二男主角,海報有佢份。





唱到兩嘴的他,不時登台搵食。

撰文、攝影、攝錄:娛樂組

場地提供: The Stadium Bar& Restaurant


鍾意就快D Share啦!