掃呢頁CODE去手機

2017年9月21日 星期四

張智霖幫手搵學校 胡杏兒唔做怪獸家長 __,杏兒,張智霖,胡杏兒,

張智霖果然夠老友,講明會出力幫杏兒個B搵學校。藝人張智霖(Chilam)、胡杏兒、陳瀅及朱李月華等到尖沙咀出席腕錶活動,受訪時Chilam坦言有儲錶, ...


張智霖果然夠老友,講明會出力幫杏兒個B搵學校。


藝人張智霖(Chilam)、胡杏兒、陳瀅及朱李月華等到尖沙咀出席腕錶活動,受訪時Chilam坦言有儲錶,亦買了放錶的夾萬:「有幾隻,男士盡量搵精緻嘅嘢儲。」身穿銀色長裙及吋半高跟鞋的杏兒亦表示喜歡買錶獎勵自己,最多用過6位數,Chilam即笑她是小富婆,很有錢。

Chilam指腹大便便的杏兒令他覺得似曾相識:「我太太(袁詠儀)臨生嗰陣就好似咁。以前杏兒好有侵略性,個樣好Sharp,依家就好溫柔,好有女性嘅光輝。」問到有何育兒心得教杏兒?Chilam說學校方面會盡力幫:「我知道杏兒讀書好叻,係高材生,DNA一定都好叻。」杏兒認為讀書最緊要開心,不想做怪獸家長,覺得一早找學校太誇張:「佢應該做番個BB。」

提到與一眾好姊妹拍攝的《胡說八道真情假期》,杏兒表示有收看,Chilam說她在節目中粗身大細跳舞很大膽,但杏兒就強調很安全。Chilam笑問拍這節目是否為了賺錢?杏兒大爆:「唔係好賺!唔係為咗賺錢,不過可以一齊去旅行好難得,比賺錢更加開心。」至於杏兒戴上姚子羚男友鄭子邦的面具,與一眾好姊妹為子羚安排婚禮,杏兒坦言想對方找到歸宿,很戥對方心急。談到其他姊妹都有傳出婚訊,杏兒直言:「快㗎」Chilam即追問:「邊個最快呀?」杏兒尷尬說:「總之快」


來源 source: http://hk.on.cc
鍾意就快D Share啦!