阮嘉敏繼上年參選港姐後首次行騷，都幾有睇頭！
藝人阮嘉敏（Mandy）出席婚紗時裝騷，身穿性感Deep V婚紗非常吸睛，亦繼上年參選港姐後首次行騷。換上多套婚紗的她，谷胸大晒事業線，問再次登台準備了多久，她說：「其實條條裙有啲窄，都唔係好敢食嘢，最大準備係節食。（冇做運動？）都有，我由細到大都有做Gym，但我比較懶，我覺得節食係最快方法。」
Mandy在行騷期間睇落明顯有點緊張，她解釋：「係呀條裙又窄又長，好驚仆倒，所以行得比較慢。」又不怕與外籍模特兒比較身形輸蝕：「大家有各自唔同嘅靚，表達唔同嘅嘢，我覺得都可以呀。同埋其他Model都好照顧我，我最後一個出場都會幫我整裙。」問到會否被環境影響想結婚，她說：「每個女仔都想，但想都未必即刻有伴侶結婚，我冇拖拍都想先寄情工作。（有咩擇偶條件？）我有啲癖好，比較鍾意着恤衫同大眼男仔。都唔難呀，歡迎有齊條件嚟追求我。」
此外，她透露將會首次入劇組拍劇，十月頭開始試造型：「做開主持好少機會拍劇，可以都係客串吓。（今次擔正？）唔係，只係一個有造型嘅角色 ，都好多謝監製幫我度期，因為都好難。（想做咩角色？）都冇所謂！始終冇拍過劇一定好想試。我嚟緊嘅幾期待。拍劇角色係比較男仔頭，都可以試唔同嘢，試吓唔同自己幾好，我覺得應該幾開心。」
來源 source: http://hk.on.cc
|
鍾意就快D Share啦！
|
|
|
